અભિનેત્રી કવિતા કૌશિકે દાનમાં આપ્યા વાળ, કેન્સર દર્દીઓ માટે લીધુ પગલુ, જુઓ Video

રેયાનના પગલે ટીવી અભિનેત્રી કવિતા કૌશિકે પણ કેન્સર દર્દીઓ માટે વિગ બનાવવા પોતાના વાળ દાન કર્યા છે. જુઓ વીડિયો...

Published: Thursday, November 11, 2021, 14:52 [IST]

મુંબઈઃ બૉલિવુડ અભિનેત્રી અને ડાંસિંગ ક્વીન માધુરી દીક્ષિતના નાના દીકરા રેયાને થોડા દિવસો પહેલા નેશનલ કેન્સર અવેરનેસ ડે પર પોતાના લાંબા વાળને કેન્સર સોસાયટીને ડોનેટ કર્યા હતા. પોતાના દીકરાના વાળ કપાવતો વીડિયો માધુરી દીક્ષિતો પોતાના સોશિયલ મીડિયા અકાઉન્ટ પર શેર કર્યો ત્યારબાદ તેના દીકરાના આ પગલાંની ખૂબ પ્રશંસા થઈ. હવે રેયાનના પગલે ટીવી અભિનેત્રી કવિતા કૌશિકે પણ કેન્સર દર્દીઓ માટે વિગ બનાવવા પોતાના વાળ દાન કર્યા છે. જુઓ વીડિયો...

ઈન્સ્ટાગ્રામ પર વીડિયો કર્યો પોસ્ટ

રેયાન બાદ હવે ટીવી અભિનેત્રી કવિતા કૌશિકે પણ પોતાના લાંબા વાળને કપાવીને તેને સારા કામમાં ઉપયોગમાં લેવાનો નિર્ણય કર્યો છે. અભિનેત્રીએ પોતાના ઈન્સ્ટાગ્રામ પર એક વીડિયો પોસ્ટ કર્યો છે જેમાં તેને એક સલૂનમાં વાળ કપાવતી જોઈ શકાય છે. આ સાથે તે કાપેલા વાળની ચોટી પોતાના હાથમાં પકડીને કેમેરા તરફ બતાવી રહી છે. વીડિયોના કેપ્શનમાં તેણે લખ્યુ કે, 'આ કેન્સર દર્દીઓ માટે વિગ બનાવવા માટે દાન માટે જાય છે! અને મારો નવો લુક? રાહ જુઓ યાર...'

સોશિયલ મીડિયા પર જોરદાર થઈ રહી છે પ્રશંસા

કવિતા કૌશિકના આ પગલાંની સોશિયલ મીડિયા પર જોરદાર પ્રશંસા થઈ રહી છે. ફિલ્મ અને ટેલીવિઝન ઈન્ડસ્ટ્રીના લોકો સાથે તેના ફેન્સે પોસ્ટને લાઈક અને કમેન્ટ્સથી ભરી દીધુ. કૉમેડિયન ભારતી સિંહે કમેન્ટ સેક્શનમાં તાળીવાળુ ઈમોજી પોસ્ટ કર્યુ જ્યારે કામ્યા પંજાબીએ પણ પોતાનુ રિએક્શન આપ્યુ. ટીવી કલાકાર કરણ ખન્નાએ કમેન્ટમાં લખ્યુ, 'ઓહ, તમે પહેલા જ આની યોજના બનાવી લીધી હતી...શનિ!! મને વિશ્વાસ છે કે તમે હૉટ દેખાશો.'

2 વર્ષ સુધી વાળ વધાર્યા બાદ કપાવ્યા

તમને જણાવી દઈએ કે આ પહેલા માધુરીના દીકરાએ વીડિયો શેર કરીને જણાવ્યુ હતુ કે રેયાન એવા ઘણા લોકોને જોઈને દુઃખી થયો જે કેન્સર માટે કીમોમાંથી પસાર થઈ રહ્યા હતા. દરેક વસ્તુ સાથે તે પોતાના વાળ ગુમાવી દે છે. મારા દીકરા રેયાને પોતાના વાળ કેન્સર સોસાયટીને દાન કરવાનો નિર્ણય કર્યો. માતાપિતા તરીકે અમે તેના આ નિર્ણયથી રોમાંચિત હતી. ગાઈડલાઈન અનુસાર વાળની જરૂરી લંબાઈ વધવામાં તેને લગભગ 2 વર્ષ લાગી ગયા અને આ અંતિમ ફેઝ હતો.