ગુજરાતી સિનેમાનો સુવર્ણ યુગ: લાલો–કૃષ્ણ સદા સહાયતે ફિલ્મ 100 કરોડને પાર કરનારી પહેલી ફિલ્મ

By Desk

Published: Monday, December 1, 2025, 13:33 [IST]

ગુજરાતી ફિલ્મોના ઇતિહાસમાં એક અવિસ્મરણીય સિદ્ધિ નોંધાઈ છે. ભક્તિ ડ્રામા ફિલ્મ લાલો-કૃષ્ણ સદા સહાયતેએ વૈશ્વિક બોક્સ ઓફિસ પર ૧૦૦ કરોડની કમાણીનો જાદુઈ આંકડો પાર કરીને ગુજરાતી સિનેમાને નવા શિખરે પહોંચાડ્યું છે.

૫૧ દિવસની અદભુત સફર બાદ આ ફિલ્મ ૧૦૦ કરોડ ક્લબમાં સામેલ થનારી પ્રથમ ગુજરાતી ફિલ્મ બની છે, જે પ્રાદેશિક કથા-કથન (Regional Storytelling) ની વધતી જતી લોકપ્રિયતાને દર્શાવે છે.

નવોદિત દિગ્દર્શક અંકિત સાખિયા દ્વારા નિર્દેશિત, લાલો (Laalo) ફિલ્મ એક દુઃખી પિતાની હૃદયસ્પર્શી વાર્તા છે, જે ભગવાન શ્રીકૃષ્ણના દર્શનના માર્ગદર્શનથી એક આધ્યાત્મિક પરિવર્તન યાત્રા શરૂ કરે છે. મુખ્ય ભૂમિકામાં કરણ જોશી છે. આ ફિલ્મે ભાવનાત્મક નાટક અને ભક્તિના થીમને એવી રીતે મિશ્રિત કર્યા છે કે તે પારિવારિક પ્રેક્ષકો અને ભક્તોના હૃદયમાં ઊંડો સ્પર્શ કરી ગઈ.

ઓક્ટોબર ૧૦ ૨૦૨૫ ના રોજ સામાન્ય શરૂઆત સાથે રિલીઝ થયેલી આ ફિલ્મ મજબૂત વર્ડ-ઓફ-માઉથ (લોકો દ્વારા પ્રશંસા) ને કારણે ઝડપથી એક સાંસ્કૃતિક ઘટના બની ગઈ અને તેને સ્લીપર હિટ (Sleeper Hit) નો દરજ્જો મળ્યો મળ્યો છે.

અહેવાલો અનુસાર, લાલો વિશ્વભરમાં કુલ ૧૦૨.૨૪ કરોડની કમાણી કરી છે. જેમાં ભારતમાં ૫૦ દિવસમાં ૮૦ કરોડ નેટ કમાણી થઈ છે અને ૫૧મા દિવસે વધુ ૧.૬૫ કરોડનો ઉમેરો થયો છે. વિદેશી બજારોમાંથી આશરે ૫.૫૦ કરોડનું યોગદાન મળ્યું છે, જેણે ફિલ્મને ૧૦૦ કરોડના સન્માનજનક આંકડાની પેલે પાર પહોંચાડી છે.

આ સાથે જ લાલોએ ૫૦ કરોડની કમાણી કરનારી અગાઉની સૌથી વધુ કમાણી કરનારી ગુજરાતી ફિલ્મ ચાલ જીવી લઈએ (૨૦૧૯) ને પાછળ છોડી દીધી છે અને તે હવે સર્વકાલીન સૌથી વધુ કમાણી કરનારી ગુજરાતી ફિલ્મ બની ગઈ છે.

Published On December 1, 2025