ફરી એકવાર સાથે જોવા મળશે શાહરૂખ-સલમાન, બજરંગી ભાઈજાનની સિક્વલનો પણ ખૂલાશો!

બોલિવૂડનો 'ટાઈગર' સલમાન ખાન 56 વર્ષનો થઈ ગયો છે. સોમવારે તેણે તેના પનવેલ ફાર્મહાઉસમાં તેના પરિવાર સાથે જન્મદિવસની ઉજવણી કરી હતી. જો કે આ અગાઉ તેને સાપ કરડ્યો હતો.

નવી દિલ્હી, 27 ડિસેમ્બર : બોલિવૂડનો 'ટાઈગર' સલમાન ખાન 56 વર્ષનો થઈ ગયો છે. સોમવારે તેણે તેના પનવેલ ફાર્મહાઉસમાં તેના પરિવાર સાથે જન્મદિવસની ઉજવણી કરી હતી. જો કે આ અગાઉ તેને સાપ કરડ્યો હતો, પરંતુ એક દિવસ પહેલા તે સ્વસ્થ થઈને ફાર્મહાઉસ પરત ફર્યો હતો. જન્મદિવસની રાત્રે સલમાન ફાર્મહાઉસની બહાર આવ્યો અને મીડિયા સાથે વાત કરી અને તેના નવા પ્રોજેક્ટ્સ વિશે જણાવ્યું હતું.

ટાઈગર 3 પર કામ કરી કહ્યો છે

સલમાનની ફિલ્મ બજરંગી ભાઈજાન ઘણી હિટ રહી હતી. ત્યારથી તેના ચાહકો તેની સિક્વલની રાહ જોઈ રહ્યા છે. સલમાનના કહેવા પ્રમાણે તેણે તેના પર કામ શરૂ કરી દીધું છે, જેનું નામ 'પવનપુત્ર ભાઈજાન' હશે. આ સિવાય તેની બીજી ફિલ્મ 'નો એન્ટ્રી' સિક્વલ હશે. સલમાનના કહેવા પ્રમાણે તે 'ટાઈગર 3'માં કામ કરી રહ્યો છે, પરંતુ શાહરૂખની પઠાણ તે પહેલા રિલીઝ થશે. તેમાં તેની પણ ભૂમિકા છે.

રાજામૌલી સાથે કામ કરી કહ્યાં છે?

બીજી તરફ આ અફવા કેટલાક દિવસોથી ઉડી રહી છે, સલમાન ખાન બાહુબલી ડિરેક્ટર એસએસ રાજામૌલી સાથે નવા પ્રોજેક્ટ પર કામ કરી રહ્યો છે. આના પર સલમાને કહ્યું કે ના, એવું કંઈ નથી. જો એવું થશે તો તે મોટુ હશે, કારણ કે તે ખૂબ જ સારા દિગ્દર્શક છે. હું ચોક્કસપણે તેના પિતા કે.વી. વિજયેન્દ્ર પ્રસાદ સાથે કામ કરી રહ્યો છું. તેણે બજરંગી ભાઈજાનની સ્ક્રિપ્ટ લખી હતી અને હવે તે તેની સિક્વલ પણ લખી રહ્યા છે, જેનું નામ 'પવનપુત્ર ભાઈજાન' છે.

'કભી ઈદ કભી દિવાળી' પર કરી રહ્યા છે

સલમાનના મતે તેનું સંપૂર્ણ ધ્યાન ટાઈગર 3 પર છે. એકવાર તે પૂર્ણ થયા બાદ તે 2006ની હિટ ફિલ્મ નો એન્ટ્રીની સિક્વલમાં કામ કરશે. આ ફિલ્મમાં સલમાન સાથે અનિલ કપૂર, ફરદીન ખાન, લારા દત્તા, એશા દેઓલ, બિપાશા બાસુ અને સેલિના જેટલીએ કામ કર્યું હતું. આ સિવાય તેની એક ફિલ્મ 'કભી ઈદ કભી દિવાળી' પર પણ કામ ચાલી રહ્યું છે.

English summary

You will see Shah Rukh-Salman together again, you will also open the sequel of Bajrangi Bhaijaan!