શાહરુખ ખાનના ઘર 'મન્નત'ની દીવાલ કૂદીને ઘૂસવાની કોશિશ, પોલીસ કરી રહી છે તપાસ

શાહરુખ ખાનના ઘર 'મન્નત'માં ગુરુવારે બે લોકોએ ઘૂસવાની કોશિશ કરી છે. આ મામલે પોલીસ તપાસ કરી રહી છે.

Updated: Friday, March 3, 2023, 7:27 [IST]

Shahrukh Khan 'Mannat': બૉલિવુડ કિંગ શાહરુખ ખાનના ઘર 'મન્નત'માં ગુરુવારે બે લોકોએ ઘૂસવાની કોશિશ કરી છે. મુંબઈ સ્થિત શાહરુખ ખાનના 'મન્નત' બંગલામાં બે યુવકોએ ઘૂસવાની કોશિશ કર્યા બાદ આ મામલે પોલીસ તપાસ કરી રહી છે. મુંબઈ પોલીસના જણાવ્યા મુજબ બંને યુવકો જ્યારે બહારની દીવાલ કૂદીને ઘરમાં ઘૂસવાની કોશિશ કરી રહ્યા હતા ત્યારે સિક્યોરિટી ગાર્ડે પકડી લીધા હતા. પોલીસ તપાસમાં બહાર આવ્યુ છે કે બંને યુવકોમાંથી એક 20 વર્ષ અને બીજો 22 વર્ષનો છે. યુવકોના કહેવા મુજબ બંને ગુજરાતથી આવ્યા છે અને તે પઠાન સ્ટારને મળવા માંગતા હતા.

તમને જણાવી દઈએ કે ગુરુવારે રાત્રે 9.30 વાગે આ બંને છોકરાઓએ સુરક્ષાકર્મીઓને ચકમો આપીને મન્નતમાં પ્રવેશવાનો પ્રયાસ કર્યો હતો. બંને દીવાલ કૂદીને અંદર પ્રવેશ્યા, બંગલાના ત્રીજા માળે પણ પહોંચ્યા, જ્યારે સિક્યોરિટી ગાર્ડની નજર બંને પર પડી ત્યારે આ લોકોએ બંનેને પકડીને પોલીસને હવાલે કર્યા. બંને વિરુદ્ધ બાંદ્રા પોલીસ સ્ટેશનમાં કેસ નોંધવામાં આવ્યો છે.

આ કેસમાં પોલીસે બંને છોકરાઓ વિરુદ્ધ સંબંધિત કલમો હેઠળ કેસ નોંધ્યો છે. બંને સામે પણ તપાસ શરૂ કરવામાં આવી છે. તમને જણાવી દઈએ કે લાંબા સમય બાદ શાહરૂખ ખાનની ફિલ્મ મોટા પડદા પર આવી છે. શાહરૂખની ફિલ્મ પઠાણ લોકોને ઘણી પસંદ આવી છે અને તે સુપરહિટ રહી છે. આ ફિલ્મે બૉક્સ ઑફિસ પર ઘણા રેકોર્ડ તોડ્યા છે. આ ફિલ્મે 1000 કરોડનો બિઝનેસ કર્યો છે. આ ફિલ્મમાં શાહરૂખ ખાન ઉપરાંત દીપિકા પાદુકોણ, જોન અબ્રાહમ પણ છે. પઠાણ બાદ હવે શાહરૂખ ખાન ફિલ્મ જવાન અને ધુનકીની તૈયારી કરી રહ્યો છે.