Saif Ali Khan Attack : સૈફ અલી ખાન પર હુમલો કરનારાનો ચહેરો સામે આવ્યો, જુઓ CCTV વીડિયો

Saif Ali Khan Attack : બોલિવૂડ એક્ટર સૈફ અલી ખાન પર હુમલાને લઈને મુંબઈ પોલીસ સતત એક્શનમાં છે. હવે આરોપીનો સીસીટીવી વીડિયો સામે આવ્યો છે.

મુંબઈ પોલીસે સૈફ અલી ખાન પર હુમલો કરનારા આરોપીનો ચહેરો જારી કર્યો છે. આરોપી સીસીટીવીમાં સીડીઓથી ભાગતો જોવા મળે છે.

મુંબઈ પોલીસ અનુસાર, હુમલાખોર ચોરીના ઈરાદાથી ફાયર એક્ઝિટ સીડીઓથી ઘરમાં પ્રવેશ્યો હતો. સૈફ અલી ખાન હાલ લીલાવતી હોસ્પિટલમાં દાખલ છે અને ખતરાની બહાર છે. સૈફ અલી ખાનના શરીર પર છ ઘા કરવામાં આવ્યા છે.

આ માણસ 15 જાન્યુઆરીના રોજ સવારે 2.33 આસપાસ સૈફ અલી ખાનના ઘરની સીડી પર સીસીટીવીમાં કેદ થયો છે. પોલીસે જાહેર કરેલા ફોટોમાં વ્યક્તિ ટી-શર્ટ અને જીન્સ પહેરેલો સાથે બેગ અને નારંગી રંગના સ્કાર્ફ સાથે જોઈ શકાય છે.

જણાવી દઈએ કે, સૈફ અલી ખાન અને તેની પત્ની કરીના કપૂર પરિવાર સાથે બાંદ્રા વેસ્ટમાં 12 માળની ઇમારતમાં ચાર માળના એપાર્ટમેન્ટમાં રહે છે.

હુમલાખોર ચોરી અને લૂંટના ઇરાદાથી ઘરમાં ઘુસ્યો હતો. સૈફ અલી ખાનની ઇમારતમાં પ્રવેશ્યા પછી તે પાછળની સીડીનો ઉપયોગ કરીને તેના એપાર્ટમેન્ટના માળે ચઢ્યો. તે ફાયર એક્ઝિટ સીડી પરથી નીચે દોડતો જોવા મળે છે.

અહેવાલો અનુસાર, સૈફ અલી ખાનના ઘરે કામ કરતી નોકરાણીએ આ વ્યક્તિને સૌથી પહેલા જોયો હોવાનું કહેવાય છે. તેણે બૂમ પાડીને સૈફને ચેતવ્યો હતો. આ પછી સૈફે તેનો સામનો કર્યો અને ઘાયલ થઈ ગયો.

સૈફને ડાબા હાથ અને ગરદન પર ઈજા થઈ હતી અને છરી તેની કરોડરજ્જુમાં ઘૂસી ગઈ હતી. સૈફને તેનો પુત્ર ઇબ્રાહિમ લીલાવતી હોસ્પિટલમાં લઈ ગયો હતો. ડોક્ટરોએ જણાવ્યું કે સૈફની હાલત સ્થિર છે અને તેઓ ખતરાથી બહાર છે.

English summary

Saif Ali Khan Attack: The face of the person who attacked Saif Ali Khan has been revealed, watch the CCTV video