કંગનાની બહેન રંગોલીએ સાધ્યુ શિલ્પા શેટ્ટી પર નિશાન, બાળકી દત્તક લેવાનો કર્યો નિર્ણય

બૉલિવુડ અભિનેત્રી કંગના રનોતની બહેન રંગોલી ચંદેલ ઘણીવાર ઈન્ડસ્ટ્રીની મોટી હસ્તીઓ સાથે પંગો લેતી રહે છે. આ વખતે તેના નિશાના પર અભિનેત્રી શિલ્પા શેટ્ટી છે. રંગોલીએ ટ્વિટ કરીને કહ્યુ કે તે બીજા બાળકની મા બનવાની છે પરંતુ તેણે પોતાની કૂખેથી બાળક પેદા કરવા કે સરોગસીની મદદ લેવાના બદલે એક અનાથ બાળકીને દત્તક લેવાનો નિર્ણય કર્યો છે. રંગોલીએ નામ લીધા વિના શિલ્પા શેટ્ટી પર નિશાન સાધ્યુ.

‘સરોગસીના બદલે બાળક દત્તક લો'

રંગોલીએ ટ્વિટ કરીને કહ્યુ, ‘મારુ એક બાળક છે, હું હજુ એક ઈચ્છુ છુ. મે અને મારા પતિએ બાળક દત્તક લેવાનો નિર્ણય કર્યો છે. હું દંપત્તિઓને પ્રોત્સાહિત કરવા માંગુ છુ કે તે સરોગસીના બદલે બાળકને દત્તક લે. બધા પોતાના નિર્ણય લઈ શકે છે પરંતુ ચાલો કોશિશ કરીએ એ બાળકોને ઘર આપવાની જે પહેલેથી આ દુનિયામાં હાજર છે અને જેમને માતાપિતાની જરૂર છે.'

I have a baby I want another one my husband and I decided to adopt, I want to encourage couples to adopt than to go for surrogates, to each his own but let’s try and give homes to those also who are already in this world and longing for parents 🙏🥰

— Rangoli Chandel (@Rangoli_A) February 21, 2020

કંગનાએ બાળકીનુ નામ રાખ્યુ ગંગા

રંગીલોના આ ટ્વિટ બાદ એવુ માનવામાં આવી રહ્યુ છે કે તેણે ક્યાંકને ક્યાંક શિલ્પા શેટ્ટી પર નિશાન સાધ્યુ છે. તમને જણાવી દઈએ કે શિલ્પા શેટ્ટીએ જણાવ્યુ કે તે સરોગસી દ્વારા બીજી વાર મા બની ગઈ છે. રંગોલીએ એક અન્ય ટ્વિટમાં કહ્યુ, ‘મારી બહેને અમને આમ કરવા માટે પ્રેરિત કર્યા. અજય અને મે બધી ઔપચારિકતાઓ પૂરી કરી લીધી છે, આશા છે કે થોડા મહિનાઓ બાદ અમારી બાળકી અમારી સાથે હશે, કંગનાએ તેનુ નામ ગંગા રાખ્યુ છે. હું ભાગ્યશાળી છુ કે હું એક બાળકને ઘર આપવા માટે સક્ષમ છુ.'

My sister has inspired us to do this, Ajay and I have done all the formalities hopefully in few months our baby girl will be with us, Kangana as named her Ganga 🥰🙏🙏so fortunate to be able to give home to a child 🙏🥰

— Rangoli Chandel (@Rangoli_A) February 21, 2020

બૉલિવુડમાં ઘણા લોકો સરોગસીથી માતાપિતા બન્યા

તમને જણાવી દઈએ કે બૉલિવુડમાં ઘણી હસ્તીઓ સરોગસી દ્વારા માતા-પિતા બન્યા છે. આ લોકોમાં શાહરુખ ખાન, આમિર ખાન, તુષાર કપૂર, સની લિયોની, લીઝા રે, ફરાહ ખાન, એકતા કપૂર અને કરણ જોહર જેવા નામ શામેલ છે. વળી, શિલ્પા શેટ્ટી એક દીકરીની મા બની છે. આ વખતે તે બાયોલોજીકલ મદદ નહિ પરંતુ સરોગસીથી મા બની છે.

શિલ્પા શેટ્ટીએ દીકરીનુ નામ સમિષા રાખ્યુ

આ વાત વિશે પહેલા કોઈને પણ કોઈ સમાચાર નહોતા. શિલ્પા શેટ્ટીની દીકરીનો જન્મ 15 ફેબ્રઆરીએ થયો છે. તેનુ નામ તેમણે સમીષા શેટ્ટી કુંદ્રા રાખ્યુ છે. શિલ્પા શેટ્ટી અને તેના પતિ રાજ કુંદ્રાએ બાળકીના જન્મના લગભગ પાંચ દિવસ બાદ સોશિયલ મીડિયા પર આ ખુશખબરી જણાવી છે.

English summary

kangana ranaut sister rangoli chandel opts to decide baby girl and criticize surrogacy shilpa shetty