લગ્નના 12 વર્ષ પછી હેમા માલિનીની દીકરી ઈશા દેઓલના થયા ડિવૉર્સ, પતિ ભરત તખ્તાનીએ આપ્યુ આવુ નિવેદન

Esha Deol Divorce: હિન્દી સિનેમાની દિગ્ગજ અભિનેત્રી અને રાજનેતા હેમા માલિનીની પુત્રી એશા દેઓલ વિશે એક મોટા સમાચાર સામે આવી રહ્યા છે. સમાચાર છે કે એશા દેઓલ અને તેના પતિ બિઝનેસમેન ભરત તખ્તાનીએ કથિત રીતે પુષ્ટિ કરી છે કે તેઓ છૂટાછેડાની અફવાઓ વચ્ચે અલગ થઈ રહ્યા છે.

હાલમાં આ સમાચાર સોશિયલ મીડિયા પર ઝડપથી વાયરલ થઈ રહ્યા છે. દિલ્હી ટાઈમ્સના અહેવાલ અનુસાર, એશા દેઓલ અને ભરત તખ્તાનીએ સંયુક્ત નિવેદન જાહેર કર્યું છે. આ નિવેદનમાં લખ્યું છે - અમે પરસ્પર સહમતિથી અલગ થવાનો નિર્ણય લીધો છે. અમારા જીવનમાં આ પરિવર્તન દ્વારા, અમારા બંને બાળકોનુ સર્વોત્તમ હિત અને કલ્યાણ અમારા માટે હંમેશા મહત્વના છે અને રહેશે. અમે એ વાતની પ્રશંસા કરીશું કે અમારી ગોપનીયતાનો આદર કરવામાં આવ્યો છે.

અગાઉ, રેડિટ પર એક પોસ્ટ વાયરલ થઈ હતી જેમાં દાવો કરવામાં આવ્યો હતો કે એશા દેઓલ અને ભરત તખ્તાની કદાચ અલગ થઈ ગયા છે. પોસ્ટમાં કહેવામાં આવ્યું હતું કે છૂટાછેડાને કારણે એશા દેઓલ અને તેના પતિ ભરત તખ્તાની હવે જાહેરમાં સાથે જોવા મળતા નથી. એટલું જ નહીં, આ પોસ્ટમાં યુઝરે એવો પણ દાવો કર્યો છે કે ભરત તેની પત્ની સાથે છેતરપિંડી કરી રહ્યો છે. પોસ્ટમાં કહેવામાં આવ્યું હતું કે ભરતનું અન્ય મહિલા સાથે અફેર ચાલી રહ્યુ છે.

રેડિટ યુઝરે તેની પોસ્ટમાં એવો પણ દાવો કર્યો છે કે તેણે ઈશાના પતિ ભરતને બેંગલુરુમાં ન્યૂ યરના દિવસે એક પાર્ટીમાં જોયો હતો. આ પાર્ટીમાં તે તેની એક કથિત ગર્લફ્રેન્ડ સાથે હતો. પોસ્ટમાં એવું પણ કહેવામાં આવ્યું છે કે ભરતની નવી ગર્લફ્રેન્ડ બેંગલુરુમાં રહે છે. જો કે હજુ સુધી આ અહેવાલો પર દેઓલ પરિવાર તરફથી કંઈ કહેવામાં આવ્યું નથી.

તમને જણાવી દઈએ કે એશા દેઓલે 29 જૂન 2012ના રોજ ભરત તખ્તાની સાથે લગ્ન કર્યા હતા. બંનેએ ઇસ્કોન મંદિરમાં ખૂબ જ સાદગીપૂર્ણ રીતે લગ્ન કર્યા હતા. લગ્નના પાંચ વર્ષ પછી, દંપત્તિ પુત્રી રાધ્યાના માતાપિતા બન્યા અને પછી વર્ષ 2019માં, ઈશાએ તેમની બીજી પુત્રી મિરાયા તખ્તાનીને જન્મ આપ્યો.

English summary

Hema Malini's daughter Esha Deol divorced after 12 years of marriage, husband Bharat Takhtani gave such statement