Welcome To The Jungle : વેલકમ ટૂ ધ જંગલમાં ન હોવા અંગે નાના પાટેકર દુખી, કહ્યું - હું ઘણો...
Welcome To The Jungle : વિવેક અગ્નિહોત્રીના ડાયરેક્શનમાં બનેલી ફિલ્મ ધ વેક્સિન વોર નું ટ્રેલર ગત દિવસે લોન્ચ થયું છે. આ ફિલ્મમાં લીડ રોલમાં અનુપમ ખેર, પલ્લવી જોશી, સપ્તમી ગૌડા અને નાના પાટેકર જોવા મળશે.
તાજેતરમાં રિલિઝ થયેલી ફિલ્મ ગદર 2 નાના પાટેકરે નેરેશન કર્યું છે. હવે તે મોટા પડદા પર ધ વેક્સિન વોરમાં જોવા મળશે. આ ફિલ્મ સાથે તે 6 વર્ષ બાદ ફિલ્મમાં ભૂમિકા ભજવતા જોવા મળશે.
આ પહેલા તે છેલ્લે ફિલ્મ કાલામાં વિલન તરીકે જોવા મળ્યો હતો. આ ફિલ્મમાં તેના સામે રજનીકાંત હીરો હતા. નાના પાટેકર હાલમાં ધ વેક્સિન વોરને લઈને હેડલાઈન્સમાં છે. જોકે, આ દરમિયાન નાનાએ તેની આગામી ફિલ્મ ધ વેક્સિન વોરના ટ્રેલર લોન્ચ વખતે કેટલાક આવા નિવેદનો આપ્યા છે, જેના કારણે તે સતત સમાચારમાં રહે છે.
વાસ્તવમાં ધ વેક્સિન વોરના ટ્રેલર લોન્ચ સમયે, જ્યારે નાનાને તેમની જ સુપરહિટ ફિલ્મની સિક્વલમાંથી હટાવવા વિશે પૂછવામાં આવ્યું, ત્યારે અભિનેતાએ પોતાનું દર્દ વ્યક્ત કર્યું હતું. વેલકમના ત્રીજા ભાગ વેલકમ ટુ ધ જંગલનો ભાગ ન હોવાની વાત કરતા નાનાએ કહ્યું કે, હું વેલકમ ટુ ધ જંગલમાં નથી.
આગળ નાનાએ કહ્યું કે, કદાચ તેમને એમ લાગતું હોય કે, હું ઘણો ઘરડો અને જૂનો એક્ટર બની ગયો છું અને તેથી જ તેમણે મને વેલકમ 3 માટે પસંદ નથી કર્યો, પરંતુ વિવેક અગ્નિહોત્રીને લાગે છે કે અમે હજુ વૃદ્ધ નથી થયા, તેથી તેમણે મને તેમની ફિલ્મમાં સામેલ કર્યો. તમારે સારું કામ કરવું હોય, તો લોકો આવીને તમને પૂછશે. હવે તમે તે કામ કરવા માંગો છો કે નહીં તે તમારા પર છે.
ઉલ્લેખનીય છે કે, ઘણા સમયથી ચર્ચા ચાલી રહી હતી કે, આ ફિલ્મના મુખ્ય કલાકાર નાના પાટેકર અને અનિલ કપૂર વેલકમ 3માં જોવા નહીં મળે. જ્યારે અક્ષય કુમારે તેના જન્મદિવસના ખાસ અવસર પર વેલકમના ત્રીજા ભાગની જાહેરાત કરી હતી, ત્યારે સમાચારને સમર્થન મળ્યું હતું કે, આ વખતે નાના પાટેકર અને અનિલ કપૂરની જોડી વેલકમ 3માં જોવા મળશે નહીં.
આ વખતે વેલકમની ઉદયભાઈ અને મજનૂની આઇકોનિક જોડીને સર્કિટ અને મુન્નાભાઈની જોડી દ્વારા બદલવામાં આવી છે. નાના પાટેકર ચોક્કસપણે દુખી છે. આ તેમના તાજેતરના નિવેદનથી જાણવા મળે છે કે, તે વેલકમ 3નો ભાગ ન બનવા માટે ફિલ્મના નિર્માતાઓથી ખૂબ નારાજ છે.
નોંધનીય છે કે, વેલકમનો પહેલો ભાગ 2007માં આવ્યો હતો, જેનું નિર્દેશન અનીસ બઝમીએ કર્યું હતું. બીજો ભાગ 2015માં આવ્યો હતો. બંને ફિલ્મો હિટ રહી હતી અને બંને ભાગમાં નાના પાટેકર હતા. જેમાં તેને ઉદય શેટ્ટીના રોલમાં ચાહકોએ ખૂબ પસંદ કર્યો હતો.
મજનુભાઈ તરીકે અનિલ કપૂર સાથે તેની જોડી ખૂબ જ મજબૂત હતી, પરંતુ આ વખતે ચાહકોને ફિલ્મના ત્રીજા ભાગમાં અનિલ અને નાનાની જોડી જોવા નહીં મળે. આ વખતે વેલકમ ટુ ધ જંગલમાં અક્ષય કુમાર, અરશદ વારસી, સંજય દત્ત, રવિના ટંડન, જેકલીન ફર્નાન્ડિસ, દિશા પટણી, સુનીલ શેટ્ટી, મુકેશ તિવારી, બોબી દેઓલ, પરેશ રાવલ, જોની લીવર, રાજપાલ યાદવ જેવા અન્ય ઘણા સ્ટાર્સ છે. ફિલ્મ ડિસેમ્બર 2024માં રિલીઝ થશે.
Click it and Unblock the Notifications
Sign in with Google
