Chandrayaan 3ના સફળ લેંડિંગ બાદ પ્રકાશ રાજે ઈસરો માટે કર્યુ નવુ ટ્વિટ, હવે લખી આવી વાત

Chandrayaan 3: ઈસરોના 'ચંદ્રયાન-3' એ ચંદ્ર પર સફળ સૉફ્ટ લેન્ડિંગ કર્યું છે. સામાન્યથી લઈને બૉલિવુડ સેલેબ્સે ભારતની આ ગૌરવપૂર્ણ ક્ષણની ઉજવણી કરી. દરેક લોકો સોશિયલ મીડિયા પર ઈસરોને અભિનંદન સંદેશ મોકલ્યા અને પોતાની ખુશી વ્યક્ત કરી.

અભિનેતા પ્રકાશ રાજે 23 ઓગસ્ટ (બુધવાર) ની સાંજે ચંદ્ર પર 'ચંદ્રયાન 3' ના સફળ સૉફ્ટ લેન્ડિંગ માટે ISRO ને અભિનંદન પાઠવ્યા હતા. તેમણે પોતાના ટ્વિટર હેન્ડલ પર ભારતના સફળ ચંદ્રયાન-3 મિશનની ઉજવણી કરતી એક પોસ્ટ શેર કરી.

પ્રકાશ રાજે તેમના ટ્વીટ પર લખ્યું - આ ભારત અને માનવજાત માટે ગર્વની ક્ષણ છે... #ISRO #Chandrayaan #VikramLander આ શક્ય બનાવવા માટે યોગદાન આપનાર તમામનો આભાર. તે આપણને આપણા બ્રહ્માંડના રહસ્યની શોધ અને ઉજવણી કરવા માટે માર્ગદર્શન આપે.

તમને જણાવી દઈએ કે 20 ઓગસ્ટ 2023ની રાત્રે પ્રકાશ રાજે ટ્વિટર પર એક પોસ્ટ કરી હતી જે ખૂબ જ ઝડપથી વાયરલ થઈ હતી. આ પોસ્ટમાં તેમણે 'ચંદ્રયાન-3' અને વિક્રમ લેન્ડર વિશે એક કાર્ટૂન શેર કર્યું હતુ. આ ટ્વીટ બાદથી લોકો પ્રકાશ રાજની આકરી ટીકા કરી હતી. સોશિયલ મીડિયા પર તેમની ખૂબ મજાક ઉડાવવામાં આવી રહી હતી.

લોકોને પ્રકાશ રાજની મજાક બિલકુલ પસંદ ન આવી. પ્રકાશ રાજે ટ્વિટર પર એક કાર્ટૂન પોસ્ટ કર્યું છે, જેમાં એક પાત્ર ચા સાથે જોવા મળી રહ્યું છે. તેમણે તેની સાથે કેપ્શનમાં લખ્યું - બ્રેકિંગ ન્યૂઝ! આ છે વિક્રમ લેન્ડરથી ચંદ્રની પહેલી ઝલક. વાહ!... પ્રકાશ રાજે પોતાના ટ્વીટમાં કોઈનું નામ લીધું ન હતું, પરંતુ કાર્ટૂનમાં ચા વેચનારને જોઈને લોકો તેને વડાપ્રધાન નરેન્દ્ર મોદી સાથે જોડી રહ્યા હતા.

આ સાથે 'ચંદ્રયાન-3'ની મજાક ઉડાવવામાં આવી રહી છે તે જોઈને તેને રાષ્ટ્રનું અપમાન પણ માનવામાં આવી રહ્યું છે. લોકોએ પ્રકાશ રાજને દેશદ્રોહી પણ કહ્યા. જોકે બાદમાં તેમણે આ ટ્વીટ પર સ્પષ્ટતા પણ કરી હતી.

PROUD MOMENT for INDIA and to Humankind.. 🙏🏿🙏🏿🙏🏿Thank you #ISRO #Chandrayaan3 #VikramLander and to everyone who contributed to make this happen .. may this guide us to Explore and Celebrate the mystery of our UNIVERSE .. #justasking

— Prakash Raj (@prakashraaj) August 23, 2023

English summary

Chandrayaan 3: Prakash Raj congratulated isro after the successful landing, now wrote new tweet.