સલમાન-વિવેકને ડબલ ડેટ કરી રહી હતી ઐશ્વર્યા રાય? સોહેલ ખાને કર્યો હતો ખુલાસો, જણાવ્યુ બ્રેકઅપનુ કારણ

Aishwarya Rai Vivek Oberoi: બોલિવૂડ એક્ટર વિવેક ઓબેરૉય 3 સપ્ટેમ્બર 2024ના રોજ પોતાનો 48મો જન્મદિવસ ઉજવી રહ્યો છે. તેના અંગત જીવનની વાત કરીએ તો આજે પણ અભિનેતાના ઐશ્વર્યા રાય સાથેના બ્રેકઅપની ચર્ચા છે.

ઐશ્વર્યા રાયે લગભગ 2 વર્ષ સુધી સલમાન ખાનને ડેટ કર્યો હતો પરંતુ આ સંબંધ ખરાબ રીતે સમાપ્ત થયો. સલમાનથી અલગ થયા બાદ વિવેક ઓબેરૉયે એશ્વર્યા રાયના જીવનમાં પ્રવેશ કર્યો પરંતુ આ વાત સલમાનને પરેશાન કરવા લાગી અને ઘણો હંગામો થયો.

એક ઈન્ટરવ્યુ દરમિયાન સલમાન ખાનના ભાઈ સોહેલ ખાને દાવો કર્યો હતો કે ઐશ્વર્યા રાય સલમાન ખાન અને વિવેક ઓબેરૉયને એક જ સમયે ડેટ કરી રહી હતી. જ્યારે ઐશ્વર્યા રાય વિવેક ઓબેરૉયને ડેટ કરી રહી હતી ત્યારે સોહેલ ખાને કહ્યું હતું કે, 'હવે તે બધાની સામે રડે છે. જ્યારે તે તેની સાથે ફરતી હતી, પરિવારના સભ્યની જેમ અવારનવાર અમારા ઘરે આવતી હતી, શું તેણે ક્યારેય આ સંબંધ સ્વીકાર્યો હતો? તેણે ક્યારેય એવું કર્યું નથી.'

સોહેલ ખાને વધુમાં કહ્યું હતું કે, 'ઐશ્વર્યા રાયને કારણે સલમાન ખૂબ જ અસુરક્ષિત અનુભવવા લાગ્યો હતો. તે જાણવા માંગતો હતો કે ઐશ્વર્યા તેને કેટલો પ્રેમ કરે છે, પરંતુ તે તેને ક્યારેય આ બાબતનો વિશ્વાસ થવા દેતી ન હતી. ઐશ્વર્યા મોબાઈલ પર સતત સલમાનના સંપર્કમાં હતી અને આ વાત વિવેકને પરેશાન કરતી હતી.

વિવેક ઓબેરૉય સાથેના બ્રેકઅપ બાદ ઐશ્વર્યા રાયે વર્ષ 2007માં અભિષેક બચ્ચન સાથે લગ્ન કર્યા હતા. આ બંનેને આરાધ્યા બચ્ચન નામની પુત્રી પણ છે. જો કે છેલ્લા કેટલાક સમયથી બંને વચ્ચે અણબનાવ હોવાના અહેવાલો સામે આવી રહ્યા છે. એવું કહેવામાં આવી રહ્યું છે કે ઐશ્વર્યા અને અભિષેક વચ્ચે કંઈ જ બરાબર નથી. બંને ભાગ્યે જ સાથે જોવા મળે છે. જો કે આ કપલે અત્યાર સુધી મૌન જાળવ્યું છે.

English summary

Aishwarya Rai two timing with Salman Khan and Vivek Oberoi, claimed Sohail Khan