Video: આમિર ખાનની દીકરી ઈરા ખાન અને નૂપુર શિખરેએ કોર્ટ મેરેજ બાદ હવે કર્યા ક્રિશ્ચિયન વેડિંગ

Published: Thursday, January 11, 2024, 12:44 [IST]

Ira Khan Wedding: બૉલિવુડ અભિનેતા આમિર ખાનની લાડલી દીકરી ઇરા ખાને 10 જાન્યુઆરી, 2024ના રોજ રાજસ્થાનના ઉદયપુરમાં નૂપુર શિખરે સાથે ભવ્ય સામાજિક લગ્ન કર્યા હતા. આ સામાજીક લગ્ન ખ્રિસ્તી રીતિ-રિવાજ મુજબ થયા હતા. આ પહેલા આ કપલે 3 જાન્યુઆરીએ મુંબઈમાં ખૂબ જ સાદગીથી કોર્ટ મેરેજ કર્યા હતા. કોર્ટ મેરેજમાં માત્ર કપલના પરિવારના સભ્યો અને કેટલાક નજીકના લોકો હાજર હતા.

હવે ઈરા ખાન અને નુપુર શિખરેએ ઉદયપુરમાં મરાઠી નહીં પણ ખ્રિસ્તી રીતિ-રિવાજ પ્રમાણે સામાજિક લગ્ન કર્યા છે. આ લગ્નની તસવીરો અને વીડિયો સોશિયલ મીડિયા પર ઝડપથી વાયરલ થઈ રહ્યા છે. આમાં સ્ટાર કપલ ક્રિશ્ચિયન સ્ટાઈલના પોશાક પહેરેલા જોવા મળે છે.

ઇરા ખાને તેના સોશિયલ મેરેજના દિવસે સફેદ ગાઉન પહેર્યું હતું. તેણે વ્હાઈટ મેચિંગ જ્વેલરી અને ન્યૂડ મેકઅપ સાથે પોતાનો લુક કમ્પ્લીટ કર્યો હતો. આ દરમિયાન ઈરાનો વર રાજા એટલે કે નૂપુર શિખરે બેઝ રંગના કોર્ટ પેન્ટમાં એકદમ હેન્ડસમ લાગી રહી હતી. વાયરલ થઈ રહેલા વીડિયોમાં કપલ હાથ પકડીને લગ્ન સ્થળમાં પ્રવેશતા જોવા મળે છે. આ દરમિયાન ત્યાં હાજર લોકો તેમના પર ફૂલ પણ વરસાવે છે.

ઇરા ખાન અને નુપુર શિખરેના ચહેરા પર તેમના લગ્નની ખુશી સ્પષ્ટ દેખાતી હતી. બંનેનો આ વીડિયો સોશિયલ મીડિયા પર ઝડપથી વાયરલ થઈ રહ્યો છે. લોકો આ વીડિયો પર જોરદાર કમેન્ટ કરી રહ્યા છે અને કપલને તેમના લગ્ન માટે અભિનંદન આપી રહ્યા છે. અન્ય એક વીડિયોમાં ઈરા અને નુપુર પણ એકબીજા સાથે રોમેન્ટિક ડાન્સ કરતા જોવા મળી રહ્યા છે.

આ પહેલા આ કપલના સંગીત સેરેમનીની તસવીરો સામે આવી હતી જેમાં ઈરા ખાન ભારે લહેંગામાં જોવા મળી હતી. ઈરા અને નુપુરની સાથે, આમિર ખાન અને પરિવારના બાકીના લોકો પણ સંગીત સેરેમનીમાં સારો સમય પસાર કરતા જોવા મળ્યા હતા. આમીર ખાને પણ સંગીત સેરેમનીમાં પોતાની દીકરી અને જમાઈ માટે જોરશોરથી ડાન્સ કર્યો હતો.