નોકરી છે કે હનીમૂન? દોઢ કરોડ પગાર અને પાર્ટનર સાથે રહેવા મળે છે પુરો આઈલેન્ડ

લોકોને સારા પગાર વાળી અને આરામદાયક નોકરીની શોધ હોય છે. પરંતુ તમને કોઈ કરોડોનો પગાર આપે અને પત્ની સાથે રહેવા પુરો આઈલેન્ડ આપે તો?

સાંભળીને તમને વિશ્વાસ નહીં આવતો હોય પરંતુ આ સત્ય છે. હાલ એક અબજોપતિએ આવી જ એક નોકરીની ઓફર કાઢી છે.

જો કોઈ તમને બેસ્ટ લોકેશનમાં રહેવાના બદલામાં પૈસા આપે તો? આવી જ તક એક અબજોપતિ દ્વારા ઓફર કરવામાં આવી રહી છે. જે પૈસા ચૂકવીને એક કપલને આઈલેન્ડ પર રહેવાની તક આપી રહ્યો છે.

અહેવાલો અનુસાર, ફેરફેક્સ અને કેન્સિંગ્ટન નામની રિક્રુટમેન્ટ એજન્સી દ્વારા આ રિક્રુટમેન્ટ આવી છે. આ એક ફુલ ટાઈમ જોબ છે. આમાં એકલા નહીં પણ તમારા પાર્ટનર સાથે કરવાનું હોય છે. આ કપલને બદલામાં ઉંચો પગાર અને ઘણી સુવિધાઓ આપવામાં આવી રહી છે.

આ કામ માટે જે કપલની પસંદગી કરવામાં આવશે તેનું કામ બ્રિટિશ વર્જિન ટાપુઓમાં રહીને લાઈફનું દસ્તાવેજીકરણ કરવાનું હોય છે. કે એક બાંધકામ સ્થળ પરથી અદ્ભુત વૈભવી ઓએસિસ બનવાની કહાની કહેશે.

સરળ શબ્દોમાં કહીએ તો, કપલ માટે આ નોકરી છે. નોકરી આપનાર અબજોપતિ આ જગ્યાની સુંદરતા બતાવવા માંગે છે. ભાડે રાખેલ દંપતી વિશ્વને બતાવશે કે કેવી રીતે સ્થળ સંપૂર્ણપણે બદલાઈ ગયું છે. બદલામાં તેને 185,000 ડોલર એટલે કે 1,54,03,729 રૂપિયા મળશે.

જો કે હજુ સુધી માલિક અને નોકરી આપવાના સ્થળ વિશે વધુ માહિતી જાહેર કરવામાં આવી નથી. આ કામ માટે કપલ સોશિયલ મીડિયા અને ટેક્નોલોજીમાં એક્સપર્ટ હોવું જરૂરી છે. તેઓએ અગાઉ લક્ઝરી ઉદ્યોગ એટલે કે યાટ અથવા મોટા મહેલોમાં કામ કર્યું હોવું જોઈએ.

તેમનું કામ જાન્યુઆરીથી શરૂ થશે અને તેમને અઠવાડિયામાં 6 દિવસ કામ કરવું પડશે. તેમને વર્ષમાં એકવાર પાછા આવવા માટે મળશે અને તેમને 25 રજાઆપવામાં આવશે. એપ્લિકેશનની સાથે તેઓએ તેમનો વિડિયો સબમિટ કરવાનો રહેશે અને તેની સમીક્ષા કરવામાં આવશે.

English summary

Job or honeymoon? One and a half crore salary and get to live with a partner in the whole island