SA vs AFG, Semi Final: ફાઈનલમાં પહોંચનાર પહેલી ટીમ બની સાઉથ આફ્રિકા, અફઘાનો સામે 9 વિકેટથી જીતી મેચ

South Africa vs Afghanistan, Semi Final: T20 વર્લ્ડ કપ 2024 ની પ્રથમ સેમિફાઇનલ મેચ આજે 27 જૂને દક્ષિણ આફ્રિકા અને અફઘાનિસ્તાન વચ્ચે ત્રિનિદાદના બ્રાયન લારા ક્રિકેટ સ્ટેડિયમમાં રમાઈ હતી. પ્રથમ બેટિંગ કરવા ઉતરેલી અફઘાન ટીમ 56 રન બનાવીને પડી ભાંગી હતી. દક્ષિણ આફ્રિકાએ આ મેચ 9 વિકેટે જીતી લીધી છે.

આ સાથે ક્વિન્ટન ડી કોકની આગેવાની હેઠળની ટીમ ફાઈનલમાં પહોંચનારી પ્રથમ ટીમ બની ગઈ છે. અફઘાનિસ્તાન તરફથી ખૂબ જ ખરાબ બેટિંગ પ્રદર્શન જોવા મળ્યું હતું. સેમીફાઈનલ જેવા પ્રસંગોએ અઝમતુલ્લા ઓમરઝાઈ સિવાય અફઘાન ટીમનો કોઈ બેટ્સમેન 10 રન સુધી પણ પહોંચી શક્યો ન હતો.

માર્કો જાનસેન અને તબરેઝ શમ્સી દક્ષિણ આફ્રિકા માટે ગેમ ચેન્જર સાબિત થયા, બંને બોલરોએ અફઘાનને 56 રનમાં જ 3-3 વિકેટ લઈને મહત્વની ભૂમિકા ભજવી હતી. આ સિવાય એનરિક નોરખિયા અને કાગિસો રબાડાને બે-બે વિકેટ મળી હતી.

દક્ષિણ આફ્રિકા અને અફઘાનિસ્તાન વચ્ચે રમાયેલી વર્લ્ડ કપની પ્રથમ સેમિફાઇનલમાં કેપ્ટન રાશિદ ખાને ટોસ જીતીને પ્રથમ બેટિંગ કરવાનો નિર્ણય કર્યો હતો. છેલ્લી મેચમાં ઓસ્ટ્રેલિયા સામે શાનદાર પ્રદર્શન કરનારી અફઘાન ટીમે દક્ષિણ આફ્રિકા સામે માત્ર 23 રનમાં 5 વિકેટ ગુમાવી દીધી હતી. 12મી ઓવરના પાંચમા બોલ પર 56 રન બનાવ્યા બાદ આખી ટીમ પડી ભાંગી હતી. T20 વર્લ્ડ કપ સેમિફાઇનલના ઇતિહાસમાં ટીમનો 56 રન સૌથી ઓછો સ્કોર છે.

સાઉથ આફ્રિકા પ્લેઈંગ ઈલેવન: ક્વિન્ટન ડી કોક (વિકેટકીપર), રીઝા હેન્ડ્રીક્સ, એઈડન માર્કરામ (કેપ્ટન), હેનરિક ક્લાસેન, ડેવિડ મિલર, ટ્રિસ્ટન સ્ટબ્સ, માર્કો જેન્સન, કેશવ મહારાજ, કાગીસો રબાડા, એનરિચ નોરખિયા અને તબરાઈઝ શમ્સી.

અફઘાનિસ્તાનની પ્લેઈંગ ઈલેવન: રહેમાનુલ્લા ગુરબાઝ (વિકેટકીપર), ઈબ્રાહિમ ઝદરાન, અઝમતુલ્લા ઓમરઝાઈ, ગુલબદ્દીન નાયબ, મોહમ્મદ નબી, કરીમ જનાત, રાશિદ ખાન (કેપ્ટન), નાંગેલિયા ખારોટે, નૂર અહેમદ, નવીન-ઉલ-હક અને ફઝલહક ફારૂકી.

English summary

T20 World Cup 2024: South Africa vs Afghanistan Semi Final highlights, SA vs AFG match winner