કંઇક એવી રીતે આઉટ થયો પૂજારા કે તૂટ્યો 28 વર્ષ જૂનો રેકોર્ડ

Published: Wednesday, September 24, 2014, 16:46 [IST]

ભારતીય બેટ્સમેન ચેતેશ્વર પૂજારાને ઇંગ્લિશ કાઉન્ટી ચેમ્પિયનશીપમાં લીસેસ્ટરશાયર વિરુદ્ધ હેંડલિંગ ધ બોલ હેઠળ આઉટ જાહેર કરવામાં આવ્યો હતો. ડર્બીશાયર તરફથી રમતા પૂજારા છ રન બનાવીને આઉટ થયો હતો. પૂજારાએ આ પહેલા ગત મેચમાં શાનદાર 90 રન બનાવ્યા હતા. 28 વર્ષ બાદ કોઇ ભારતીય હેન્ડલિંગ ધ બોલ આઉટ થયો છે. આ પહેલા 1986માં મોહિન્દર અમરનાથ આ પ્રકારે જ આઉટ થયા. આ રીતે આઉટ થનાર તે પહેલા ભારતીય હતા.

આ સાથે જ ઇંગ્લેન્ડમાં 18 વર્ષ બાદ આ પ્રકારે આઉટ થનાર તે પહેલો બેટ્સમેન પણ બની ગયો છે. આ પહેલા કાર્લ ક્રિકેન ભારત વિરુદ્ધ આ પ્રકારે આઉટ થયા હતા. જોકે પૂજારા પહેલા તાજેતરમાં જ ત્રિનિદાદ એન્ડ ટોબેગોનો ઇવિન લેવિસ પણ આ પ્રકારે આઉટ થઇ ચૂક્યો છે.

શું છે હેન્ડલિંગ ધ બોલ આઉટ નિયમ
શોટ રમ્યા પછી બોલ વિકેટ તરફ જઇ રહ્યો હોય અથવા તો બેટને લાગ્યા બાદ બોલને બેટ્સમેન દ્વારા રોકવામાં આવે તેને હેન્ડલિંગ ધ બોલ આઉટ ગણાવી શકાય છે. આ પ્રકારે આઉટ થનાર વિકેટનો શ્રેય બોલરને મળતો નથી. તો ચાલો તસવીરો થકી જાણીએ હેન્ડલિંગ ધ બોલ આઉટ થનાર કેટલાક ખેલાડીઓ અંગે.

આ પણ વાંચોઃ- ટી20માં 5000 રનઃ રૈના વિશ્વનો સાતમો બેટ્સમેન
આ પણ વાંચોઃ- ચેમ્પિયન્સ લીગમાં ભારત-પાક ક્રિકેટર્સની પત્નીઓએ પીરસ્યું ગ્લેમર