PM મોદી આજે પ્રધાનમંત્રી રાષ્ટ્રીય બાળ પુરસ્કારના વિજેતાઓ સાથે કરશે વાતચીત, જાણો ખાસ વાતો

PM નરેન્દ્ર મોદી આજે વીડિયો કોન્ફરન્સિંગ દ્વારા પ્રધાનમંત્રી રાષ્ટ્રીય બાળ પુરસ્કાર (PMRBP) પુરસ્કાર વિજેતાઓ સાથે વાતચીત કરશે.

Published: Monday, January 24, 2022, 8:47 [IST]

નવી દિલ્હી : PM નરેન્દ્ર મોદી આજે વીડિયો કોન્ફરન્સિંગ દ્વારા પ્રધાનમંત્રી રાષ્ટ્રીય બાળ પુરસ્કાર (PMRBP) પુરસ્કાર વિજેતાઓ સાથે વાતચીત કરશે. આ કાર્યક્રમમાં કેન્દ્રીય મહિલા અને બાળ વિકાસ મંત્રી સ્મૃતિ ઈરાની અને રાજ્યમંત્રી ડૉ. મુંજપરા મહેન્દ્ર પણ ઉપસ્થિત રહેશે. ઉલ્લેખનીય છે કે, આ વર્ચ્યુઅલ પ્રોગ્રામ આજે સવારે 11.30 કલાકે શરૂ થશે.

પ્રધાનમંત્રી રાષ્ટ્રીય બાળ પુરસ્કાર (PMRBP) શું છે?

ઉલ્લેખનીય છે કે, દર વર્ષે 5 વર્ષથી વધુ અને 18 વર્ષથી નીચેના બાળકોને તેમની અદમ્ય હિંમત અને બહાદુરી માટે પુરસ્કાર આપવામાં આવે છે. આ બહાદુર બાળકોગણતંત્ર દિવસની પરેડમાં પણ ભાગ લે છે.

પ્રધાનમંત્રી રાષ્ટ્રીય બાળ પુરસ્કાર શૈક્ષણિક સિદ્ધિ, રમતગમત, કલા અને સંસ્કૃતિ, સમાજ સેવા અને બહાદુરી જેવા છક્ષેત્રોમાં અસાધારણ ક્ષમતા અને ઉત્કૃષ્ટ સિદ્ધિ માટે આપવામાં આવે છે.

આ પુરસ્કારો દર વર્ષે રાષ્ટ્રપતિ ભવનમાં આયોજિત ભવ્ય સમારોહમાં રાષ્ટ્રપતિ દ્વારા આપવામાંઆવે છે, પરંતુ આ વખતે કોવિડ 19ને કારણે રાષ્ટ્રપતિ ભવનમાં ઈનામ વિતરણ સમારોહ યોજાયો નથી.

તો આજે વડાપ્રધાન મોદી વિજેતાઓ સાથે વર્ચ્યુઅલ માધ્યમથી કનેક્ટ થશે, જેમાં બાળકો તેમના માતા-પિતા અથવા વાલીઓ અને સંબંધિત જિલ્લાના જિલ્લા મેજિસ્ટ્રેટ સાથે જિલ્લા મુખ્યાલય પર હાજર રહેશે અને તેઓ વડાપ્રધાનમોદી સાથે વર્ચ્યુઅલ રીતે વાતચીત કરી શકશે.