ધ બર્નિંગ ટ્રેન: ફલકનુમા એક્સપ્રેસમાં લાગી આગ, બેના મોત

બેંગ્લોર, 16 ઑક્ટોબર: કર્ણાટકના ગુલબર્ગમાં ફલકનુમા એક્સપ્રેસમાં આગ લાગી છે જેમાં બે લોકોના મોત નિપજ્યાં હોવાના સમાચાર પ્રાપ્ત થયાં છે. મળતી માહિતી મુજબ મંગળવારે કર્ણાટકમાં ફલકનુમા એક્સપ્રેસના ત્રણ ડબ્બામાં આગ લાગી હતી. ટ્રેન હૈદ્રાબાદથી શોલાપુર જઇ રહી હતી. આ અકસ્માતમાં બે મુસાફરોના મોત નિપજ્યાં છે જ્યારે સાત લોકો ગંભીર રીતે ઘાયલ થયા છે.

આ બનાવ આજે બપોરે લગભગ બે વાગ્યાની બન્યો હતો. ઇજાગ્રસ્તોમાં એક મહિલા અને એક બાળકનો સમાવેશ થાય છે. આગ લાગવા અંગેનું કારણ હજુ સુધી જાણી શકાયું નથી. પરંતુ અનુમાન લગાવવામાં આવે છે કે શોર્ટ શર્કિટના કારણે આગ લાગી હોય. આગ ઓલવવા માટે કામગીરી ચાલુ છે અને ઇજાગ્રસ્તોનની મદદ કરવામાં આવી રહી છે. હજુ સુધી મૃતકોની ઓળખ થઇ શકી નથી.

English summary

A passenger train caught fire, leading to the death of two commuters near Gulbarga in North Karnataka on Tuesday, Oct 16. Early report suggests that seven passengers were also injured in the tragedy.