Gujarat Rain : આવનારા 2 દિવસ વરસાદનું જોર વધશે, આ જિલ્લાઓમાં રેડ એલર્ટ

By Desk

Published: Friday, September 5, 2025, 18:17 [IST]

Gujarat Rain : ગુજરાતમાં ચોમાસું ફરી સક્રિય થયું છે અને આગામી બે દિવસ રાજ્યના અનેક જિલ્લાઓમાં ભારે વરસાદની શક્યતા છે.

ભારતીય હવામાન વિભાગ (IMD) દ્વારા આ અંગે રેડ, ઓરેન્જ અને યલો એલર્ટ જાહેર કરવામાં આવ્યા છે.

6 સપ્ટેમ્બરે ક્યાં કેવો વરસાદ પડશે?

રેડ એલર્ટ (અત્યંત ભારે વરસાદ) : બનાસકાંઠા, સાબરકાંઠા, મહેસાણા, અરવલ્લી અને સુરેન્દ્રનગર. આ જિલ્લાઓમાં મેઘરાજા જોરદાર બેટિંગ કરશે તેવી સંભાવના છે.
ઓરેન્જ એલર્ટ : પાટણ, મોરબી, રાજકોટ, બોટાદ, ગાંધીનગર, ખેડા અને મહીસાગર. આ વિસ્તારોમાં પણ સારો એવો વરસાદ થવાની શક્યતા છે.
યલો એલર્ટ : અમદાવાદ સહિત અન્ય જિલ્લાઓમાં હળવાથી મધ્યમ વરસાદની આગાહી છે.

7 સપ્ટેમ્બરે ક્યાં વરસાદની આગાહી?

રેડ એલર્ટ : કચ્છ, બનાસકાંઠા, મહેસાણા અને સાબરકાંઠા. આ જિલ્લાઓમાં બીજા દિવસે પણ અતિ ભારે વરસાદ થવાની સંભાવના છે.
ઓરેન્જ એલર્ટ : મોરબી, સુરેન્દ્રનગર, પાટણ, ગાંધીનગર અને અરવલ્લી.
યલો એલર્ટ : અમદાવાદ, ખેડા, આણંદ, પંચમહાલ, મહીસાગર, દાહોદ, દેવભૂમિ દ્વારકા, જામનગર, પોરબંદર, જૂનાગઢ, રાજકોટ અને બોટાદ.

હવામાન વિભાગે લોકોને સાવચેત રહેવાની અપીલ કરી છે. વરસાદી પરિસ્થિતિને ધ્યાનમાં રાખીને તંત્ર પણ એલર્ટ મોડ પર છે.