'ડ્રીમ ગર્લ' નો જબરદસ્ત ક્રેઝ, આયુષ્માનની સૌથી મોટી ઓપનર બનશે

આયુષ્માન ખુરાના અને નુસરત ભરૂચાની ફિલ્મ 'ડ્રીમ ગર્લ' આ શુક્રવારે એટલે કે 13 સપ્ટેમ્બરના રોજ થિયેટરોમાં ધૂમ મચાવવાની તૈયારીમાં છે.

Updated: Thursday, September 12, 2019, 14:25 [IST]

આયુષ્માન ખુરાના અને નુસરત ભરૂચાની ફિલ્મ 'ડ્રીમ ગર્લ' આ શુક્રવારે એટલે કે 13 સપ્ટેમ્બરના રોજ થિયેટરોમાં ધૂમ મચાવવાની તૈયારીમાં છે. રાજ શાંડિલ્યા દ્વારા દિગ્દર્શિત આ ફિલ્મથી બોક્સ ઓફિસને પણ ઘણી અપેક્ષાઓ છે. ટ્રેડ પંડિતો અનુસાર ડ્રીમ ગર્લ આયુષ્માન ખુરાનાની સૌથી મોટી બોક્સ ઓફિસ ઓપનર સાબિત થઈ શકે છે. ફિલ્મનો ક્રેઝ લોકોના માથે ચઢીને બોલી રહ્યો છે. ટ્રેલર સાથે જ ફિલ્મે તેનો જાદુ ચલાવી દીધો હતો. તેથી, આ ફિલ્મને શાનદાર ઓપનિંગ મળે તેવી અપેક્ષા છે. જો ટ્રેડની વાત માનીએ તો આયુષ્માનની 'ડ્રીમ ગર્લ' 10 કરોડની ઓપનિંગ આપી શકે છે.

2018 માં રિલીઝ થયેલી 'બધાઈ હો' એ આશરે 8 કરોડની ઓપનિંગ આપી હતી, જે આયુષ્માનની સૌથી મોટી ઓપનર હતી. તેમાં કોઈ શંકા નથી કે ડ્રીમ ગર્લ આ આંકડાને વટાવી જશે. આ સાથે જ ફિલ્મ પહેલા વીકએન્ડ સુધી 40 કરોડનો બિઝનેસ કરી શકે છે.

જબરદસ્ત છે ક્રેઝ

આ કોમેડી મસાલા ફિલ્મ અંગે દર્શકોમાં ભારે ઉત્સાહ છે. તે જ સમયે, આયુષ્માનની પાછલી હિટ ફિલ્મોને કારણે, આમાં અપેક્ષાઓ ઘણી વધી ગઈ છે.

બેક ટૂ બેક ધમાકા

આયુષ્માનની બેક ટુ બેક 5 બોક્સ ઓફિસ પર હિટ ફિલ્મો આપી છે.. બરેલી કી બર્ફી, શુભ મંગલ સાવધાન, અંધાધૂન, બધાઇ હો, આર્ટિકલ 15.... જ્યારે ડ્રીમ ગર્લ છઠ્ઠી સાબિત થઈ શકે છે.

બજેટ અને કમાણી

સારી વાત એ છે કે તે એક નાના બજેટની ફિલ્મ છે.. તેથી, પ્રથમ વીકએન્ડની કમાણી સાથે, તેનું બજેટ પાર કરીને નફો મેળવી શકે છે. માનવામાં આવે છે કે ફિલ્મનું બજેટ 35 કરોડ સુધીનું છે.

અન્ય ફિલ્મોથી પ્રભાવિત

ગયા શુક્રવારે રિલીઝ થયેલી ફિલ્મ 'છીછોરે' પણ બોક્સ ઓફિસ પર સારી કમાણી કરી રહી છે. તે જ સમયે, આ શુક્રવારે ડ્રીમ ગર્લ સાથે સેક્શન 375 પણ રિલીઝ થઇ રહી છે. પ્રેક્ષકો દ્વારા કઈ ફિલ્મ પસંદ કરવામાં આવે છે તે જોવું રસપ્રદ રહેશે.

100 કરોડ ક્લબ

બધાઇ હો પછી, તે આયુષ્માનની આગામી 100 કરોડની ફિલ્મ સાબિત થઈ શકે છે. નુસરતની અગાઉની રિલીઝ 'સોનુ કે ટીટુ કી સ્વીટી' પણ 100 કરોડની ફિલ્મ હતી.

ડ્રિમ ગર્લ

ફિલ્મમાં આયુષ્માન એક એવા પુરુષની ભૂમિકા ભજવશે જેણે લોકલ નાટક માટે છોકરીની જેમ પોશાક પહેરે છે અને આત્મવિશ્વાસ એવો છે કે તેને જોઈને દરેક સ્તબ્ધ થઇ જાય છે. આ વ્યવસાયને કારણે, તેને રેડિયો સ્ટેશનમાં નોકરી મળે છે, જ્યાં તેણે છોકરીના અવાજમાં રેડિયો શ્રોતાઓ સાથે વાત કરવાની હોય છે. થોડા જ દિવસોમાં પૂજાનો અવાજ આખા શહેરને દિવાના કરી દે છે અને દરેક આ અવાજને પોતાનું દિલ આપી બેસે છે!

આ પણ વાંચો: ડાયરેક્ટર મારા પર બૂમો પાડતા, મને ફિલ્મોમાંથી કાઢી મૂકવામાં આવતીઃ પ્રિયંકા ચોપડાનો ખુલાસો