માણસોની લાશોથી ભરેલો પડ્યો છે આ આઈલેન્ડ, જાણો શું છે આ જગ્યાનું રહસ્ય?

By Desk

Published: Saturday, October 7, 2023, 22:39 [IST]

અકસ્માત જેવી ગંભીર ઘટનાઓમાં ગણતરીના લોકોના મોત જોઈને જ તમે અંદરથી હલી જતા હોય છે ત્યારે તમને કોઈ દોઢ લાખ લોકોની લાશો વચ્ચે છોડી દે તો? તમને જાણીને નવાઈ લાગશે કે આ ધરતી પર એક જગ્યાએ આટલી લાશો પડી છે.

અમે તમને એક એવી જગ્યા વિશે જણાવવા જઈ રહ્યાં છીએ જ્યાં માણસોના હાડકાના ઢગલા પડેલા છે. આ જગ્યા પર આટલી સરળતાથી પહોંચી શકાતું નથી અનેસંબંધિત અધિકારીઓ અને સંસ્થાઓ પાસેથી પરવાનગી લેવી પડે છે.

આ ખૌફનાક જગ્યા ઇટાલીમાં આવેલી છે. ઇટાલી વિશ્વના સૌથી સુંદર દેશોમાં આવે છે પરંતુ અહીં કેટલીક એવી જગ્યાઓ છે જેનું નામ સાંભળતા જ લોકો ડરી જાય છે. ઇટાલીમાં આવેલો પોવેગ્લિયા ટાપુ આજે પણ લોકોને ડરાવે છે.

અહેવાલો અનુસાર, 1968 પછી પોવેગ્લિયા આઈલેન્ડ પર કોઈ વ્યક્તિ નથી ગઈ. આ ટાપુ સાવ નિર્જન છે. કેટલાક લોકો ચોક્કસ પરવાનગી સાથે અહીં જાય છે. એક સમયે અહીં માનસિક આશ્રય હતો જે હવે બંધ થઈ ગયો છે અને તેની ઈમારત ખંડેર હાલતમાં છે, આ ઈમારત જોવામાં એટલી ખતરનાક છે કે જાણે કોઈ ભૂતિયા ઘર હોય.

કહેવાય છે કે પ્લેગના કારણે આ ટાપુ પર લાશોના ઢગલા ખડકાયા. આ ટાપુ પર એક સમયે બે જહાજો રોકાયા હતા, તેમાં સવાર લોકો પ્લેગથી પીડાતા હતા. આ પછી ઇટાલી અથવા તેની આસપાસના વિસ્તારોમાં પ્લેગથી મૃત્યુ પામેલા લોકોના મૃતદેહોને અહીં લાવવામાં આવ્યા અને દફનાવવામાં આવ્યા.

આ જ કારણ છે કે સમય જતાં અહીં મૃતદેહોની સંખ્યા 1.5 લાખને પાર કરી ગઈ. આજે પણ તમને દરેક જગ્યાએ માનવ હાડકાં સડી ગયેલી હાલતમાં જોવા મળે છે.

Published On October 7, 2023