ભારતમાં આવી રહી છે ફોર્ડની સૌથી શાનદાર કાર મસ્ટેંગ

By Super

Updated: Friday, January 30, 2015, 12:25 [IST]

ભારતીય રસ્તાઓ પર વધુ એક કાર પોતાની ધૂમ મચાવવાની તૈયારીમાં છે. જી હાં, દેશમાં એકથી એક ચઢિયાતી કાર રજૂ કરનારી અમેરિકાની પ્રમુખ કાર નિર્માતા કંપની ફોર્ડે ભારતીય બજારમાં પોતાની શાનદાર કાર ફોર્ડ મસ્ટેંગને લોન્ચ કરવાની યોજના બનાવી છે.

તમને જણાવી દઇએ કે ફોર્ડ તરફથી ભારતીય બજારમાં આ કાર સૌથી મોટી લોન્ચિંગ હશે. ફોર્ડ મસ્ટેંગ એક લાંબા સમયથી વિશ્વ ભરમાં પોતાની લોકપ્રિયતાની ઇમારત ખડી કરી ચૂકી છે. હવે આ તક ભારતીયો માટે પણ હશે, જ્યારે તેઓ ફોર્ડ મસ્ટેંગને લઇને દેશના રસ્તાઓ પર હવા સાથે વાતો કરી શકશે. તો ચાલો તસવીરો થકી જોઇએ ફોર્ડની આ શાનદાર કારને.

ફોર્ડની મસ્ટેંગ વિશ્વ ભરમાં લોકપ્રીય

ફોર્ડની મસ્ટેંગ વિશ્વ ભરમાં શરૂઆતથી જ પોતાના ખાસ દમદાર એન્જીન અને શાનદાર સ્પીડ તથા આકર્ષક લુકને લઇને ઘણી જ લોકપ્રીય છે.

એક યૂનિક કાર હશે

ભારતીય બજારમાં ફોર્ડની મસ્ટેંગ એક રીતે એક યૂનિક કાર હશે, જે હજુ સુધી દેશના રસ્તાઓ પર દોડી નહીં હોય.

મસ્ટેંગ જીટીનું એલોય વ્હીલ

આ છે ફોર્ડ મસ્ટેંગ જીટીનું એલોય વ્હીલ તમે જોઇ શકો છો, તેના શાનદાર ટર્ન અને લુકને. આ કારમાં કંપનીએ 5.0 લીટરની ક્ષમતાના એન્જીનનો પ્રયોગ કર્યો છે.

સ્પોર્ટી ટેલલાઇટ

આ છે ફોર્ડ મસ્ટેંગની શાનદાર સ્પોર્ટી ટેલલાઇટ, જે એક સ્પીડી રીતે તૈયાર કરવામાં આવી છે.

ભારતમાં ક્યારે લોન્ચ કરાશે

જો કે, કંપનીએ હજુ સુધી એ જણાવ્યું નથી કે ભારતીય બજારમાં કારને ક્યારે લોન્ચ કરવામાં આવશે, પરંતુ ભારતીય બજારને ફોર્ડ મસ્ટેંગ માટે ઘણી જ જરૂરી માનવામાં આવી રહી છે.

કુલ ત્રણ વેરિએન્ટમાં

તમને જણાવી દઇએ કે ફોર્ડ મસ્ટેંગ કુલ ત્રણ વેરિએન્ટમાં છે અને તેના ત્રણેય મોડલમાં કંપનીએ અલગ-અલગ ત્રણ ક્ષમતાના એન્જીનનો પ્રયોગ કરવામાં આવ્યો છે. ફોર્ડ મસ્ટેંગ વી 6, જેમાં કંપનીએ 3.7 લીટરની ક્ષમતાનું એન્જીન, ફોર્ડ મસ્ટેંગ જીટીમાં 5.0 લીટરની ક્ષમતાનું એન્જીન સામેલ કરવામાં આવ્યુ છે. આ ઉપરાંત મસ્ટેંગ શેલબાઇ જીટી 500માં 5.8 લીટરની ક્ષમતાનું સુપરચાર્જ્ડ વી8 એન્જીનનો પ્રયોગ કરવામાં આવ્યો છે.