એક લટાર દક્ષિણનું ઘરેણું ગણાતા યરકૌડમાં

Published: Wednesday, January 29, 2014, 13:28 [IST]

યરકૌડ તમિળનાડુના શેવારોય પર્વતોમાં સ્થિત છે તથા પૂર્વીય ઘાટોમાં સ્થિત એક હિલ સ્ટેશન છે. આ 1515 મીટરની ઉંચાઇ પર સ્થિત છે તથા અહીંની પ્રાકૃતિક સુંદરતા અને ખુશનુમા હવામાન અનેક પ્રવાસીઓને પોતાના તરફ આકર્ષિત કરે છે. યરકૌડને ક્યારેક ગરીબ લોકોનું ઉટકમંડલમ પણ કહેવામાં આવે છે, કારણ કે પ્રસિદ્ધ હિલ સ્ટેશન ઉટીની તુલનામાં અહીં વસ્તુઓ ઘણી સસ્તી છે.

યરકૌડ સ્થાનિક તથા વિદેશી પ્રવાસીઓમાં તીવ્રતાથી લોકપ્રિય થઇ રહ્યું છે. યરકૌડ બે તમિળ શબ્દોને મળીને બન્યું છે. યેરી(તળાવ) અને કડૂ(જંગલ). યરકૌડ મુખ્ય રીતે કોફી, સંતરા, અમરુદ, એલચી અને કાળી મિર્ચ માટે જાણીતું છે. આ સ્થળનો સમાવેશ દક્ષિણ ભારતના અનેક લોકપ્રિય હિલ સ્ટેશનમાં થાય છે. યરકૌડ તમિળનાડુના સાલેમ જિલ્લામાં આવેલું છે. જે ચેન્નાઇથી 360 અને બેંગ્લોરથી 228 કિ.મી દૂર છે.

યરકૌડ હિલ

યરકૌડ સમુદ્રથી 4700 ફૂટની ઉંચાઇ પર છે. યરકૌડ હિલ પર જોવાલાયક સ્થળમાં સેર્વારયણ મંદિર છે.

કેવી રીતે પડ્યું નામ

આ હિલની સુંદરતામાં વધારે કરે છે ત્યાનું સુંદર તળાવ અને જંગલ વિસ્તાર. જેના કારણે આ હિલનુ નામ યરકૌડ પડ્યું છે. આ સ્થળ સાલેમ સાથે નેશનલ હાઇવે 28 થકી જોડાયેલું છે.

શ્રેષ્ઠ વાતાવરણ

યરકૌડનું વાતાવરણ ઘણું જ સારું હોય છે. અહીંનુ વાતવારણ ક્યારેય 29 ડિગ્રીથી ઉપર અને 13 ડિગ્રીથી નીચે જતું નથી. લીંબુ-સંતરા સહિતના ફળો માટે અહીંની ધરતી ઉત્તમ છે.

મનોહર સ્થળો

અહીં વિપુલ પ્રમાણમાં મનોહર સ્થળો આવેલા છે, જે દરેક પ્રકૃતિ પ્રેમીઓને યરકૌડ સુધી ખેંચી લાવે છે. અહીંની એક મુલાકાત યાદગાર અનુભવ સાબિત થઇ શકે છે.

પુરાતત્વવિદો માટે રસપ્રદ સ્થળ

સેર્વારાયણ હિલ્સમાં યરકૌડ લેક પાસે અનેક રસપ્રદ બાબતો મળી આવે છે. ખાસ કરીને યરકૌડ પુરાતત્વવિદો અથવા ઇતિહાસમાં રસ દાખવનારા માટે રસપ્રદ સ્થળ છે.

સ્થળની શોધ

યરકૌડના પ્રાચીન ઇતિહાસ અંગે કોઇ વધુ જાણકારી નથી, એવું માનવામાંઆવે છે કે તેલુગુ રાજાઓના શાસનકાળમાં યરકૌડ પહેલું ઉપનિવેશ બન્યુ. બ્રિટિશ શાસનકાળમાં વર્ષ 1842માં સર થોમસ મુરોએ દ્વારા યરકૌડની શોધ કરવામાં આવી, જે એ સમયે મદ્રાસ પ્રેસીડેન્સીના ગવર્નર હતા.