વર્કલા, એક સુંદર તટીય નજારો

Published: Sunday, June 22, 2014, 13:07 [IST]

વર્કલા, તિરુવંનતપુરમ જિલ્લાનું સૌથી સુંદર તટીય શહેર છે. આ કેરળના દક્ષિણ ભાગમાં સ્થિત છે. વર્કલા જ કેરળમાં એકમાત્ર એવું સ્થળ છે, જ્યાં પર્વતો, દરિયાની નજીક છે. આ વિશિષ્ટતા અરબ સાગરનું પર્વતો સાથે વિલનીકરણ થવાના કારણે થયું છે. ભારતીય ભૂ-વૈજ્ઞાનિક સર્વેક્ષણ આ સ્થળને વર્કલા ફોર્મેશનના નામથી બોલાવે છે. અહીંના તટો પર પાણીના ફૂવારા અને મોજાના કારણે ડિસ્કવરી ચેનલે ટોચના દશ મૌસમી સમુદ્રી તટોમાં વર્કલાને સામેલ કર્યું છે.

તેની ઉત્પત્તિઓ અંગે અનેક કહાણઓ લખવામાં આવી છે, તેમાની એક કહાણી અનુસાર પદ્યાન રાજાને ભગવાન બ્રહ્મા દ્વારા પોતાના પાપોના પ્રાયશ્ચિત માટે એક મંદિર બનાવવાનો આદેશ આપવામાં આવ્યો હતો. બીજી કહાણી એ છેકે પોતાના પાપોના પ્રાયશ્ચિત માટે આવેલા તીર્થયાત્રીઓને સાંભળવા આવેલા ઋષિ નારદે પોતાના વલકલમ ફેંકી દીધા હતા જે આ સ્થળે આવીને પડ્યાં હતા અને ત્યારથી આ સ્થળ વર્કલાના નામે ઓળખાય છે.

આ સ્થળ હિન્દુ અને મુસ્લિમ બન્ને ધર્મો માટે મહત્વપૂર્ણ ધાર્મિક સ્થળ છે. અહીંના મુખ્ય સ્થળ શિવગિરી મઠ, જનાર્દન સ્વામી મંદિર,કુડુવાયિલ જુમા મસ્જિદ, વર્કલા બીચ,પાપનાસમ બીચ, કપિલ ઝીલ, અંચિલો કિલ્લા, શિવ પાર્વતી મંદિર અને પાવર હાઉસ વિગેરે છે. વર્કલામાં અનેક પાણીના ઝરણા પણ છે, જે હાલના સમયે પ્રવાસીઓને લુભાવે છે. આ સ્થળના મહત્વપૂર્ણ સમુદ્રી તટોમાનું એક પાપનાસમ બીચ છે, આ સમુદ્ર તટ પાસે જ એક પ્રસિદ્ધ મંદિર, જનાર્દન સ્વામી પણ છે, જે 2000 વર્ષ જૂનું છે, તો ચાલો તસવીરો થકી નિહાળીએ આ સ્થળને.