શા માટે કેરળનું તેનમાલા કહેવાયું હની હિલ?

Published: Monday, June 9, 2014, 9:41 [IST]

તેનમાલા એક મુખ્ય પર્યાવરણ પ્રવાસનના હોટ સ્પોટના રૂપમાં જાણીતું છે. આ કોલ્લમ જિલ્લામાં સ્થિત એક પ્રમુખ પ્રવાસન સ્થળ છે. વસ્તુતઃ આ સ્થળને હની હિલ તરીકે પણ ઓળખવામાં આવે છે, આ સ્થળે મધનું ઉત્પાદન થાય છે અને એવું માનવામાં આવે છેકે, આ મધમાં અનેક ઔષધીય ગુણ હોય છે.

કેરળની રાજધાનીથી લગભગ 70 કિ.મી દૂર સ્થિત આ સ્થળ પર ભારતની પહેલી ઇકો ટૂરિઝમ યોજના બનાવવામાં આવી. ઇકો ટૂરિઝમ હેઠળ આ ક્ષેત્રને 5 પ્રમુખ ક્ષેત્રોમાં વિભાજીત કરવામાં આવ્યું છે, સાંસ્કૃતિક ક્ષેત્ર, સાહસિક ક્ષેત્ર, આરામ ક્ષેત્ર, હરણ પુનર્વાસ ક્ષેત્ર અને નૌકાવિહાર ક્ષેત્ર. સદાબહાર જંગલના અનેક એકરમાં ફેલાયેલું તેનમાલા દેશના અને વિદેશના લાખો પ્રવાસીને પોતાની તરફ આકર્ષિત કરે છે.

આ પહાડી વિસ્તાર સાહસિક નૌકાવિહાર, રોપ બ્રિજ, ટ્રેકિંગ, પર્વતારોહણ, બાઇકિંગ અને સંગીતમય ફુવારા સહિત અનેક મનોરંજન ગતિવિધિઓનું આખું પેકેજ છે. કલ્લ્લાદા નદી પર બનાવવામાં આવેલો ડેમ આ ક્ષેત્રના મુખ્ય આકર્ષણોમાનો એક છે. પલારુવી ઝરણુ તેનમાલાને પિકનિક હોટ સ્પોટ અને હનીમૂન સ્પોટ બનાવે છે. હરણ પાર્ક, અન્ય એક આકર્ષણ છે. જે જંગલી હરણની અનેક પ્રજાતિઓનું નિવાસ સ્થાન છે. પાર્કમાં બનેલા ટ્રી હાઉસ આ સ્થળને વિદેશી રંગ આપે છે. નક્ષત્રવનમ, આર્યનકવૂ શાસ્તા મંદિર, કુલાઠુપુજ્હા સંસ્થા મંદિર અને ઝુલા પૂલ ફરવા માટે એક આદર્શ ગંતવ્ય છે. તો ચાલો તસવીરો થકી નિહાળીએ કેરળના તેનમાલાને.

તેનમાલા

તેનમાલા એક પહાડી વિસ્તાર છે, જે સાહસિક નૌકાવિહાર, રોપ બ્રિજ, ટ્રેકિંગ, પર્વતારોહણ, બાઇકિંગ અને સંગીતમય ફુવારા સહિત અનેક મનોરંજન ગતિવિધિઓનું આખું પેકેજ છે.