શાંત વાતાવરણમાં શીતળતા બક્ષે છે ગોવાનું આ શહેર

Updated: Wednesday, January 8, 2014, 16:39 [IST]

ગીચ વસ્તી હોવા છતાં પણ સિંક્વેરિમમાં ઘણી જ શાંતિ છે, જે ગોવા આવતા પ્રવાસી માટે પાર્ટી ઝોન અને બીચના દેકારાઓથી દૂર રહેવામાં મદદરૂપ સાબિત થાય છે. સિંક્વેરિમ બીચ, રાજધાની પણજીથી 13 કિમી અને ઉત્તરીય ગોવાના પ્રસિદ્ધ પાર્ટી ઝોન કેંડોલિમ બીચથી અમુક કિમીના અંતરે છે. અહીં પહોંચવુ સહેલું છે.

આ બીચ ઘણું શાંત છે, જ્યાં સીમિત વોટર સ્પોર્ટ્સ છે, મોટા ભાગના એજન્ટ તમને પરેશાન નથી કરતા અને અદભૂત નજારો જોવા મળે છે. પિકનિક માટે તમે અહીંથી 2 કિમી દૂર અરવલમ ઝરણા પર જઇ શકો છે. 50મી ઉંચે અરવલમ ઝરણાંમાંથી પર્વતોનું નિર્મલ પાણી પડે છે. ધાર્મિક યાત્રીઓ માટે આ ઝરણુ રુદ્રેશ્વર મંદિર પાસે છે. અહીં આવો ત્યારે આસપાસ સ્થિત અરવલમ ગુફાઓને પણ જોઇ શકો છો. જે બહુ લાંબી નથી.

સિંક્વેરિમ અંગે વાત કરીએ તો આ બીચ પર અનેક શૈક છે, જેમાં મોટાભાગે સસ્તો દારૂ અને ગોવાનું સ્વાદિષ્ટ ખાવાનું મળે છે. કેંડોલિમથી સિંક્વેરિમ પહોંચવુ ઘણું સહેલું છે, જ્યાં ટેક્સી અને રિક્ષા ઉપ્લબ્ધ છે. પણજીથી તમે ઉત્તર દિશા તરફ જતી બસ અથવા ટેક્સી લઇ શકો છો. તમે પણજીથી ભાડા પર બાઇક લઇને પણ સિંક્વેરિમ અને આસપાસના તટો જેમ કે, કેંડોલિમ, અંજુના, બાગા અને કેલેંગ્યૂટ સુધી જઇ શકો છો. તો ચાલો તસવીરો થકી જોઇએ ગોવાના સિંક્વેરિમને.