ભારતના આ શહેરમાં વહે છે દૂધ જેવું સફેદ ઝરણું

Published: Thursday, October 17, 2013, 17:08 [IST]

પૂર્વનું સ્કોટલેન્ડ ગણાતુ શિલોંગ પૂર્વોત્તર ભારતનું એક મહત્વપૂર્ણ પ્રવાસન સ્થળ છે. ગાઢ જંગલો, અનુપમ પ્રાકૃતિક છટા, વાદળોથી ઢંકાયેલા પર્વતો, ફૂલોની મધૂર મહેક, મિલનસાર લોકો અને ઔપનિવેશિક મહેમાન ગતિ ઉપરાંત એ સમયની નિશાનીઓ શિલોંગ પ્રવાસને ખાસ બનાવી દે છે. એક તરફ જ્યાં શિલોંગ હરીયાળીઓથી ઘેરાયલુ છે તો બીજી તરફ શહેરની દોડધામવાળી જિંદગી શિલોંગ પ્રવાસનને મહત્વની બનાવી દે છે.

પ્રકૃતિ શિલોંગ પર કંઇક વધારે જ મહેરબાન હોય તેવું લાગે છે. અહીંના સુંદર ઝરણા, મંત્રમુગ્ધ કરી મુકે તેવી ક્ષેત્રની પર્વતમાળા અને અનેક ગુપ્ત સ્થાન છે. અહીં સ્થિત શિલોંગ પીક, એલિફન્ટ ફોલ, સ્વીટફોલ, લેડી હૈદરી પાર્ક, વાર્ડ્સ ઝીલ અને પોલીસ બજાર જોયા વગર શિલોંગની યાત્રા અધૂરી બની રહેશે. આ ઉપરાંત દેશી સંસ્કૃતિને પોતાનામાં સમેટનાર ડોન બોસ્કો સેંટર મ્યુઝિયમ પણ અહીંનું એક રોચક દર્શનીય સ્થળ છે.

જનજાતીય રાજ્ય હોવાના કારણે મેઘાલયમાં ખાસી, જૈન્તિય અને ગારો નામની ત્રણ પ્રમુખ જનજાતિ નિવાસ કરે છે. પર્વતોમાં વસેલા શિલોંગમાં સૌથી વધુ આબાદી ખાસીની જ છે. એટલું જ નહીં, આ જનજાતિ પૂર્વીય ભારતની સૌથી જૂની જનજાતિઓમાની એક છે. ખાસીનો સંબંધ ઓસ્ટ્રો એશિયાટિક પરિવારથી છે અને તે મેટ્રોલિનીઅલ ફેમિલી સિસ્ટમનું અનુસરણ કરે છે. જે ભારતમાં ઘણી જ દુર્લભ છે. ખાસી જનજાતિના લોકો બાળકીના જન્મ પર જશ્ન મનાવે છે. તે માને છે કે, બાળકીઓ વંશને આગળ વધારે છે.

ખાસી સાથે એક રોચક પરંપરા જોડાયેલી છે. આ જનજાતિમાં દુલ્હો દુલ્હનના ઘરમા જઇને રહે છે. લગ્ન અને પુરખાઓની સંપત્તિ ઉપરાંત ઘરના અન્ય મામલાઓમાં નિર્ણય લેવાનો અધિકારમાં મામાની ભૂમિકા મહત્વની રહે છે.

શિલોંગ અવિભાજિત આસામની રાજધાની હતુ. પોતાના આનંદદાયક જલવાયુ અને પૂર્વીય બંગાળ(વર્તમાનનું બાંગ્લાદેશ) નજીક હોવાના કારણે શિલોંગ ઉત્તર-પૂર્વનું મનપસંદ હિલ સ્ટેશન હોવાની સાથે પ્રશાસનિક મુખ્યાલય પણ બની ગયું. પહેલા અહીં માત્ર ત્રણ ગામ જ હતા અંગ્રેજોએ આ નાના શહેરોને વસાવવા માટે ઘણું બધુ કર્યુ. અંગ્રેજોનું મહત્વપૂર્ણ પ્રશાસનિક કેન્દ્ર હોવાના કારણે આ હિલ સ્ટેશનમાં અનેક મિશેનિરઓ પણ આવી. તો ચાલો તસવીરોમાં જોઇએ પૂર્વના સ્કોટલેન્ડ શિલોંગને.