છત્રપતિ શિવાજીની ઠરી નજર, જમીનથી ફલક પર પહોંચ્યુ આ શહેર

By Super

Updated: Monday, August 10, 2015, 11:36 [IST]

જો તમે ભારતની સંસ્કૃતિ, પરંપરા, પ્રોદ્યોગિકી, ઇતિહાસને એક સાથે જોવા માગો છો તો પૂણે આવો. મહારાષ્ટ્ર રાજ્યનું સૌથી મોટું શહેર પૂણે દરેક સુવિદાથી ભરેલું છે. આ શહેરને સદાચારનું શહેર પણ કહેવામાં આવે છે. અહીંની શોપિંગ મૉલ, પહોળા રસ્તા, કોલેજ, એજ્યુકેશન સેન્ટર, પાર્ક, સરકારી ઓફિસ જોઇને તમે ભારતીય હોવાનું ગૌરવ અનુભવશો. વર્તમાનમાં પૂણે એક આઇટી હબ તરીકે ઉભરી રહ્યું છે, પરંતુ પૂણે ફરવા આવો તો બે વાતનું ખાસ ધ્યાન રાખો, પહેલું કે ઓછો સમય કાઢીને પૂણે ના આવો અને બીજુ, સારું બજેટ લઇને આવો.

પૂણે પહેલા પૂણેવાડી નામથી જાણીતું હતું. આ શહેરને જમીનથી ફલક સુધી પહોંચાડવામા મહાન મરાઠા શાસક છત્રપતિ શિવાજી મહારાજનું ઘણું યોગદાન છે. બાદમાં પેશવાઓએ પૂણેને પોતાની જાગીર બનાવી લીધું, એ સમયે પૂણે ભારતનું સૌથી મોટું રાજનીતિક કેન્દ્ર હતું. બ્રિટિશ શાસન આવ્યા બાદ આ શહેર મોનસૂન કેપિટલ બની ગયું.

પૂણેમાં એક પ્રવાસી માટે ઘણું બધું છે. અહીં આગા ખાન પેલેસ, શિંદે છત્રી અને સિંહગઢનો દેહાતી કિલ્લો આકર્ષક પ્રવાસન સ્થળ છે. અહીંના તમામ સ્થળ પોતાના યુગની દાસ્તાન રજૂ કરે છે. પૂણેનું ઓશો કમ્યૂન ઇન્ટરનેશનલ સેન્ટર ઘણું પ્રસિદ્ધ છે, જેને રજનીશ ઓશો દ્વારા સ્થાપિત કરવામં આવ્યું હતું. અહીંની કાર્લા અને ભાજાની બૌદ્ધ ગુફાઓની યાત્રા પણ કરવા લાયક છે. અહીંનું પટલેશ્વર મંદિર ઘણું પ્રાચીન છે, જેને પર્વત કાપીને બનાવવામાં આવ્યું હતું, આ મંદિર અંદાજે 1400 વર્ષ જૂનું છે. તો ચાલો તસવીરો થકી જોઇએ મહારાષ્ટ્રની પૂણે નગરીને.