જાણો, શા માટે આ ભારતીય શહેર કહેવાયુ લઘુ ભારત

Updated: Friday, October 25, 2013, 18:30 [IST]

અરૂણાચલ પ્રદેશની રાજધાની ઇટાનગર હિમાલયની તળેટી પર સ્થિત છે. આ પામુમપરે જિલ્લાના પ્રશાસનિક અધિકાર ક્ષેત્રમાં આવે છે, અને 20 એપ્રિલ 1974થી રાજધાનીના રૂપમાં રહ્યું છે. આ ભારતના સૌથી મોટા પૂર્વોત્તર રાજ્યની રાજધાની છે અને રાજ્યનું સૌથી મોટું શહેર પણ છે. ઇટાનગરને લઘુ ભારત પણ કહેવામાં આવે છે. કારણ કે અહીં દેશના દરેક ભાગના લોકો રહે છે. આ રામચનદ્દ્રની રાજધાની માયાપુર તરીકે પણ જાણીતું હતું. તેઓ 14મી અને 15 સદીના જિતારી વંશના રાજા હતા.

ઇટાનગરમા પુરાતત્વીય મહત્વના અનેક સ્થળો છે. અહીંના સામાજિક-સાંસ્કૃતિક સંસ્થાન તેના ઐતિહાસિક મહત્વને વધારી દે છે. પ્રવાસી ઇટા કિલ્લા પર અચુક જાય છે, જે આકર્ષણનું મુખ્ય પ્રવાસન સ્થળ છે. આ શહેરનું નામ આ કિલ્લા પરથી જ પાડવામાં આવ્યું છે. બોમડીલા પરશુરામ કુંડ, મલિનીથન અને ભીષ્મક નગર જેવા આકર્ષણો પણ જોવાલાયક છે. ઇટાનગર સ્થિત રાજ્યપાલનું રાજકિય નિવાસ રાજભવન પર પ્રવાસીઓને આકર્ષિત કરે છે.

અન્ય પ્રવાસન સ્થળોમાં ગંગા ઝીલ, જવાહર લાલ નેહરુ સંગ્રહાલય અને શિલ્પકલા કેન્દ્ર અને હાટ સામેલ છે. સંગ્રહાલયમાં આદિવાસી સંબંધિત અનેક વસ્તુઓ અરૂણાચલ પ્રદેશની સંસ્કૃતિ અને પરંપરા પર પ્રકાશ નાંખે છે. પ્રસિદ્ધ ગંગા ઝીલની આસપાસ પથ્થરો અને હરિયાળીયુક્ત મનમોહક વાતાવરણ રહે છે. શિલ્પ કેન્દ્રમાં ભિત્ત પત્રો, બાઁસ અને બેંતનો સામાન પારંપરિક પરિધાનની પ્રદર્શની સમ્મોહક છે.

પ્રાણી ઉદ્યાન, ઇન્દિરા ગાંધી ઉદ્યાન તથા પોલો ઉદ્યાન કેટલાક એવા ઉદ્યાન છે, જ્યાં પ્રવાસીઓ સાથે સ્થાનિક લોકો પણ આરામ કરી શકે છે. બુદ્ધ વિહાર નવનિર્મિત બુદ્ધ મંદિર છે, જેની સિદ્ધિ દલાઇ લામાએ કરી હતી. ગોમ્પા બુદ્ધ મંદિરને પણ દલાઇ લામાએ જ સમર્પિત કર્યું હતું. અહીંના પીળા રંગની છતવાળા પુજાઘર તિબેટિય સ્થાપત્ય કળા પર આધારિત છે, જે ઇટાનગરની મનમોહક સુંદરતાને વધારી દે છે. ટ્રેકિંગ કરનારા લોકો પણ ઇટાનગરને મહત્વ આપે છે, કારણ કે આ રાજ્યના અનેક રસ્તાઓ વિભિન્ન ખૂણાઓમાં જાય છે. અરૂણાચલ પ્રદેશ ઉપરાંત પ્રવાસન સંબંધી જાણકારીઓ પશ્ચિમ બંગાળ, આસામ અને મેઘાલયમાંથી પણ જાણી શકાય છે. તો ચાલો તસવીરો થકી જોઇએ ઇટાનગરને.