World Cup Final : વધુ એક વખત ભારતીય ટીમની મદદે કિંગ કોહલી, પ્રેશર વચ્ચે શાનદાર અડધી સદી

ભારત અને ઓસ્ટ્રેલિયા વચ્ચે રમાઈ રહેલી વર્લ્ડ કપની ફાઈનલમાં ફરી એક વખત કિંગ કોહલી ભારતીય ટીમની મદદે આવ્યો છે. કોહલીએ વધુ એક વખત લડખડાતી ટીમ ઈન્ડિયાની ઈનિંગને સંભાળવાનું કામ કર્યુ છે.

ટોસ હારીને પહેલા બેટિંગ માટે ઉતરેલી ટીમ ઈન્ડિયાની શરૂઆત સારી રહી પરંતુ થોડી ઓવરો બાદ એક પછી એક ત્રણ વિકેટ ગુમાવી દીધી. આ પછી કોહલીએ કેએલ રાહુલ સાથે મળીને બાજી સંભાળી.

ભારત તરફથી ઓપનર રોહિત શર્માએ સારી શરૂઆત કરી. જો કે સામા પક્ષે શુભમન ગિલ મોટી ઈનિંગ રમવામાં નિષ્ફળ ગયો. આ પછી શ્રેયસ અય્યર અને રોહિત શર્માએ પણ પોતાની વિકેટ ગુમાવી. આમ ભારતીય ટીમ એક સમયે 81 રનના સ્કોર પર ત્રણ વિકેટ સાથે રમી રહી હતી.

અહીંથી કિંગ કોહલીએ બાજી સંભાળી અને કેએલ રાહુલ સાથે મળીને ભાગીદારી કરી અને પોતાની અડધી સદી પુરી કરી. બીજી તરફ કેએલ રાહુલ પણ ધીરજ સાથે કોહલીનો સાથ આપી રહ્યો છે. હાલ કોહલી 52 અને કેએલ રાહુલ 35 રન સાથે ક્રિઝ પર છે. ભારતીય ટીમ 3 વિકેટે 145 રન બનાવીને રમી રહી છે.

English summary

World Cup Final: Kohli's brilliant half-century under pressure once again