Vinesh Phogat Disqualified : રેસલિંગમાં કેટલો વજન વધુ હોય તો છુટ મળે? જાણો કેમ વિનેશ ફોગાટને લઈને થઈ રહ્યો છે

Vinesh Phogat Disqualified : ઓલિમ્પિકમાં ભારતીય રેસલર વિનેશ ફોગાટને વજનને લઈને ડિસ્ક્વોલિફાય કરી દેવાતા વિવાદ વધી રહ્યો છે.

ગઈકાલે વિનેશ ફોગાટ જીત સાથે ફાઈનલમાં પહોંચી હતી. આ પછી આજે તેના મુકાબલા પહેલા અચાનક તેને બહાર કરી દેવામાં આવી. હવે આ મુદ્દે ભારતથી લઈને પેરિસ સુધી વિવાદ થઈ રહ્યો છે.

વિનેશ ફોગાટને બહાર કરી દેવાતા હવે વેઈટ કેટેગરીમાં ગ્રેસને લઈને પણ ચર્ચા શરૂ થઈ છે. આ ચર્ચા વચ્ચે ગ્રેસના નિયમો પણ જાણી લેવા જોઈએ.

એબીસી ન્યુઝના અહેવાલ અનુસાર, અર્જુન એવોર્ડ વિજેતા રેસલર સુજીત માને આ મુદ્દે પ્રકાશ પાડ્યો છે. તેમના અનુસાર,. કુસ્તીબાજોને તેમના વજનની શ્રેણી અનુસાર કોઈ ગ્રેસ મળતુ નથી. જો કોઈ કુસ્તીબાજ 50 કિગ્રા વર્ગમાં ભાગ લઈ રહ્યો હોય તો તેનું વજન બરાબર 50 કિલો હોવું જોઈએ.

આનાથી 10 ગ્રામ તો શું એક ગ્રામ પણ વધારે હોય તો તે ગેરલાયક ઠરે છે. તેમણે કહ્યું કે ફાઈનલમાં પહોંચનારા કુસ્તીબાજોનું બે દિવસ સુધી વજન કરવામાં આવે છે. કુસ્તીબાજોને પહેલા દિવસે વજન કરવા માટે 30 મિનિટનો સમય આપવામાં આવે છે, જ્યારે બીજા દિવસે તોલ કરવા માટે માત્ર 15 મિનિટનો સમય આપવામાં આવે છે.

વિનેશને વજન દરમિયાન 15 મિનિટનો સમય પણ આપવામાં આવ્યો હતો, પરંતુ તે પોતાનું વજન જાળવી શકી નહીં. જેના કારણે તેને નુકસાન સહન કરવું પડ્યું હતું. આનાથી આખો દેશ દુખી છે.

સુજીત માન અનુસાર, આવા કિસ્સાઓમાં રેસલર પાસે અપીલ કરવાનો કોઈ વિકલ્પ નથી. આ સ્થિતિમાં વિનેશ પણ કોઈ અપીલ કરી શકે તેમ નથી. આ વખતે ઓલિમ્પિકમાં મેડલ જીતવાનું તેનું સપનું ચકનાચૂર થઈ ગયું છે. આવા કિસ્સાઓમાં, UWW નિયમો અનુસાર નિર્ણયો લેવામાં આવે છે, જેની સામે કોઈ અપીલ થતી નથી.

પહેલો પ્રશ્ન એ છે કે વિનેશનું વજન વેઇટ કેટેગરી કરતાં કેટલું વધારે હતું? જણાવી દઈએ કે, ઓલિમ્પિકમાં રેસલિંગ ખેલાડીઓનું મેચ પહેલા વજન કરવામાં આવે છે, જેમાં વિનેશનું વજન 50 કિલોગ્રામ કેટેગરી કરતા 100 ગ્રામ વધુ હોવાનું જાણવા મળ્યું હતું. જેના કારણે તેને ગેરલાયક ઠેરવવામાં આવી. આ પછી વિનેશ કોઈપણ રેન્ક વિના છેલ્લા સ્થાને પહોંચી ગઈ. હવે તેને કોઈ મેડલ નહીં મળે.

આ મામલે રેસરલ કોચ નવીને કહ્યું કે કુસ્તીબાજોએ તેમની શ્રેણી પ્રમાણે તેમનું વજન જાળવી રાખવું પડે છે. ગઈકાલે ફાઈટ પહેલા વિનેશે કંઈ ખાધું ન હતું. ત્રણેય ફાઈટ પૂરી કરીને તેણે થોડુંક ખાધું અને બીજા દિવસની તૈયારી કરવા લાગી. આ કારણે તેનું વજન વધી ગયું અને કમનસીબે તેને ગેરલાયક ઠરાવાઈ.

English summary

Vinesh Phogat Disqualified : In wrestling, how much weight can be exempted in the category?