T20 World Cup: આ ત્રણ ટીમ ભારત માટે રસ્તાનો રોડો બનશે!

ટી 20 વર્લ્ડ કપ 2021 યુએઈમાં 17 ઓક્ટોબરથી શરૂ થવા જઈ રહ્યો છે. આ ટુર્નામેન્ટ આ વર્ષે ભારતમાં યોજાવાની હતી, પરંતુ કોરોના વાયરસના કારણે તેને યુએઈમાં શિફ્ટ કરવામાં આવી હતી.

By Desk

Updated: Monday, October 11, 2021, 17:49 [IST]

નવી દિલ્હી : ટી 20 વર્લ્ડ કપ 2021 યુએઈમાં 17 ઓક્ટોબરથી શરૂ થવા જઈ રહ્યો છે. આ ટુર્નામેન્ટ આ વર્ષે ભારતમાં યોજાવાની હતી, પરંતુ કોરોના વાયરસના કારણે તેને યુએઈમાં શિફ્ટ કરવામાં આવી હતી. આ વર્ષે ટી20 વર્લ્ડ કપ જીતવા માટે ભારતને મજબૂત દાવેદાર માનવામાં આવે છે. જો કે 3 ટીમો એવી છે જે ટીમ ઈન્ડિયાનું ટ્રોફી જીતવાનું સપનું તોડી શકે છે.

ટી20 વર્લ્ડકપ ટ્રોફી જીતવાનું ટીમ ઇન્ડિયાનું સપનું તોડી શકે તેવી ત્રણ ટીમો વેસ્ટ ઇન્ડીઝ, ઇંગ્લેન્ડ અને બાંગ્લાદેશ છે, જે ટી 20 ફોર્મેટમાં સૌથી ખતરનાક ટીમો છે. વર્ષ 2016 માં રમાયેલી છેલ્લી ટી 20 વર્લ્ડકપ ટુર્નામેન્ટમાં વેસ્ટ ઈન્ડિઝે ભારતને સેમીફાઈનલમાં હરાવીને પછાડી દીધું હતું. 2016 ટી 20 વર્લ્ડ કપનું ટાઇટલ પણ વેસ્ટ ઇન્ડીઝે જીત્યું હતું, જે આ વખતે ડિફેન્ડિંગ ચેમ્પિયન પણ છે. આઇસીસી ટી 20 વર્લ્ડ કપ 17 ઓક્ટોબરથી યુએઇમાં યોજાશે. આ ટુર્નામેન્ટમાં 16 ટીમો ભાગ લેશે. જ્યારે આ ટુર્નામેન્ટની અંતિમ મેચ 14 નવેમ્બરે રમાશે.

ઇંગ્લેન્ડ

વર્તમાન વર્લ્ડ ચેમ્પિયન ઈંગ્લેન્ડની ટીમ આ વર્ષે વર્લ્ડ કપમાં ટીમ ઈન્ડિયા માટે સૌથી મોટો ખતરો બનવા જઈ રહી છે. ઇંગ્લિશ ટીમ ટોપ ઓર્ડરથી લોઅર ઓર્ડર સુધી ખતરનાક ખેલાડીઓથી ભરેલી છે. જેસન રોય, જોની બેયરસ્ટો, ઇઓન મોર્ગન અને જોસ બટલર બેટિંગ લાઈનઅપને મજબુત કરે છે. આ ઉપરાંત બોલરોમાં તેની પાસે ચેમ્પિયન ખેલાડીઓ છે. ટી 20 વર્લ્ડ કપમાં ભારતીય ટીમે ઈંગ્લેન્ડ સાથે થોડી સાવધાની રાખવી પડશે.

વેસ્ટ ઇન્ડીઝ

અત્યારે કોઈ પણ ટીમ ટી 20 ક્રિકેટમાં શ્રેષ્ઠ છે તો તે વેસ્ટ ઈન્ડિઝની ટીમ છે. આ ટીમના બેટ્સમેન અને બોલરો બધા લાંબા શોટ ફટકારવામાં સક્ષમ છે. વેસ્ટ ઈન્ડિઝની ટીમ વિશ્વની એકમાત્ર ટીમ છે જે કોઈપણ મેચને પલટી શકે છે. વેસ્ટ ઈન્ડિઝની ટીમ છેલ્લી ટી 20 વર્લ્ડ કપ વિજેતા પણ છે અને એટલું જ નહીં, વેસ્ટ ઈન્ડિઝ વિશ્વની એકમાત્ર ટીમ છે જેણે બે વખત આ ટ્રોફી જીતી છે.

બાંગ્લાદેશ

તાજેતરમાં બાંગ્લાદેશ ક્રિકેટ ટીમે તેના પ્રદર્શનથી બધાને આશ્ચર્યચકિત કર્યા છે. બાંગ્લાદેશે ઓસ્ટ્રેલિયા સાથે રમાયેલી 5 ટી-20 મેચની શ્રેણી 4-1 થી જીતી છે. બાંગ્લાદેશની જીત ઐતિહાસિક છે કારણ કે ઓસ્ટ્રેલિયાને વિશ્વની સૌથી મજબૂત ટીમોમાંથી એક માનવામાં આવે છે. એટલું જ નહીં, બાંગ્લાદેશે ન્યુઝીલેન્ડ જેવી ટીમને પણ ઘૂંટણિયે પડવા મજબૂર કરી હતી. ન્યુઝીલેન્ડ સામે 3 મેચની ટી 20 શ્રેણી રમી રહેલા બાંગ્લાદેશે શ્રેણીમાં 2-0ની લીડ મેળવી લીધી છે.