હોંગકોંગ ઓપનના બીજા રાઉન્ડમાં પહોંચી સાઇના

નવી દિલ્હી, 21 નવેમ્બર: લંડન ઓલિમ્પિકમાં કાંસ્ય પદક વિજેતા સાઇના નેહવાલે હોંગકોંગ ઓપન સુપર સીરિઝ બેડમિન્ટન ટૂર્નામેન્ટમાં પોતાના અભિયાનની વિજયી શરૂઆત કરી છે. દુનિયાની ત્રીજા ક્રમની ખેલાડી સાઇનાએ મહિલા સિંગલના પ્રથમ રાઉન્ડમાં ઇન્ડોનેશિયાની અપરિલા યુસવાંદરીને 22-20, 21-08થી માત આપી બીજા રાઉન્ડમાં પ્રવેશ કરી લીધો છે.

જોકે સાઇનાને રમતમાં લયમાં આવતા વાર લાગી બાદમાં તે પ્રતિસ્પર્ધી અપરિલા પર સંપૂર્ણરીતે હાવી થઇ ગઇ હતી. આ સાથે પ્રણવ ચોપડા અને સિકી રેડ્ડી પણ ડબલના બીજા રાઉન્ડમાં પહોંચી ગયા છે.

તેમણે અમેરિકાના ફિલિપ ચ્યૂ અને જેમી સુબાંડીને 21-19, 21-15થી માત આપી. તરૂણ કોના અને અશ્વિની પોનપ્પાને શરૂઆતમાં જ હારનો સામનો કરવો પડ્યો હતો. આ ભારતીય જોડી મિશ્રિત યુગલમાં પોતાની પહેલી મેચ ચેન ઝૂ અને જીન એમએની શ્રેષ્ઠ ક્રમની ચીની જોડીથી 15-21, 16-21થી હારી ગઇ છે.

ચાઇના ઓપનમાં નહી રમનાર સાઇનાના સ્મેશ અને નેટ પર રમત શાનદાર રહી. તેમણે 33 મિનિટ સુધી ચાલેલા મુકાબલામાં 15 સ્મેશ વિનર્સ અને તેટલા જ નેટ વિનર્સ લગાવ્યા.

English summary

Saina Nehwal on Wednesday opened her campaign at the Hong Kong Super Series on a positive note, prevailing over Aprilla Yuswandari of Indonesia in straight games to reach the second round of women's singles event.