PBKS vs GT : પંજાબ સામે ગુજરાતની આસાન જીત, ગિલની અડધી સદી

By Desk

Updated: Friday, April 14, 2023, 0:00 [IST]

ગુજરાત ટાઇટન્સે મોહાલીમાં IPL 2023 ની ત્રીજી જીત મેળવી છે. પંજાબ કિંગ્સ સામે ગુજરાતે છ વિકેટે મેચ જીતી ત્રીજી જીત પોતાના નામે કરી. 154 રનનો પીછો કરતા ગુજરાતે ચાર વિકેટ ગુમાવીને મેચ આશાનીથી જીતી લીધો છે. ગુજરાતે ચારમાંથી ત્રણ મેચ જીતી છે. આ જીત સાથે ગુજરાતની પ્લેઓફમાં પહોંચવાની શક્યતા વધી ગઈ છે.

ગુજરાત માટે શુભમન ગિલે ફરી એક વખત ધમાકેદાર ઈનિંગ્સ રમી અને ટીમને જીત અપાવી. શુભમન ગિલે 40 બોલમાં પોતાની અડધી સદી સાથે 67 રનની ઈનિંગ્સ રમી. IPL 16 માં શુભમન ગિલની આ બીજી અડધી સદી છે. શુભમન ગિલે IPLમાં પંજાબ સામે સૌથી વધુ પાંચ વખત અડધી સદી ફટકારી છે. શુભમન ગીલની જોરદાર ઇનિંગ્સના કારણે ગુજરાતની ટીમ આ મેચ જીતવામાં સફળ રહી.

ગિલ સિવાય ગુજરાત ટાઇટન્સ માટે રિદ્ધિમાન સાહાએ શાનદાર ઇનિંગ રમી. રિદ્ધિમાન સાહાએ માત્ર 19 બોલમાં 30 રનની ઇનિંગ રમી. જો કે આ મેચમાં કેપ્ટન હાર્દિક પંડ્યા કંઈ ખાસ કરી શક્યો નથી. હરપ્રીત બ્રારની બોલ પર શોટ મારવાના પ્રયાસમાં કેચ આઉટ થયો અને પેવેલિયન પરત ફર્યો.

ટોસ હારીને પ્રથમ બેટિંગ કરવા ઉતરેલી પંજાબ કિંગ્સની ટીમે 20 ઓવરમાં 8 વિકેટ ગુમાવીને 153 રન બનાવ્યા હતા. પંજાબ તરફથી મેથ્યુ શોર્ટે સૌથી વધુ 36 રન બનાવ્યા. શોર્ટ સિવાય અન્ય કોઈ બેટ્સમેન બેટથી મોટી ઇનિંગ્સ રમી શક્યો નહી.