Hockey 5 Asia Cup: પાકિસ્તાનને હરાવી ભારત બન્યું ચેમ્પિયન, પેનલ્ટી શૂટઆઉટમાં કરી કમાલ

Hockey 5 Asia Cup: મેન્સ હોકી 5 એશિયા કપની ફાઇનલ મેચમાં ભારતીય ટીમે પાકિસ્તાનની ટીમને હરાવી હતી. ઓમાનના સલાલાહમાં આયોજિત ટૂર્નામેન્ટની ફાઇનલમાં ટીમ ઇન્ડિયાએ પાકિસ્તાનની ટીમને હરાવીને ટ્રોફી પોતાના માને કરી છે.

ભારતે પેનલ્ટી શૂટઆઉટમાં 2-0 થી મેચ અને ટ્રોફી પોતાના નામે કરી હતી. આ મેચમાં ભારતીય ટીમ પાકિસ્તાની ટીમથી પાછળ હતી. હાફ ટાઈમ સુધી ટીમ ઈન્ડિયા 3-2થી પાછળ હતી.

આ પછી કમબેક કરતી વખતે ભારતે છેલ્લી ઘડી સુધી સ્કોર 4-4થી બરાબર કરી લીધો હતો. આ પછી મેચ પેનલ્ટી શૂટઆઉટમાં ગઈ હતી. જેમાં ભારતે પાકિસ્તાનને 2-0થી હરાવ્યું હતું.

મનિન્દર સિંહ અને ગુરજોત ભારતીય ટીમ માટે હીરો સાબિત થયા હતા. બંનેએ ગોલ કર્યા હતા. ભારતીય ગોલકીપર સૂરજે પણ પાકિસ્તાની ખેલાડીઓને ગોલ કરવાની ના પાડીને પોતાનું કામ સારી રીતે કર્યું હતું. આ મેચમાં ભારત માટે મોહમ્મદ રાહીલે બે ગોલ કર્યા હતા. તેમના સિવાય જુગરાજ સિંહ અને મનિન્દર સિંહે ગોલ કરીને પાકિસ્તાની સ્કોર બરાબરી કરી હતી.

આ પહેલા ભારતીય ટીમ ટૂર્નામેન્ટના ગૃપ સ્ટેજમાં પાકિસ્તાન સામે હારી ગઈ હતી. આવા સમયે પાકિસ્તાને ભારતને 5-4થી હરાવ્યું હતું. ટીમ ઈન્ડિયાએ ફાઈનલ મેચમાં જીત નોંધાવીને તે હારનો હિસાબ સરભર કરી લીધો હતો. સેમીફાઈનલમાં ભારતે જબરદસ્ત પ્રદર્શન કર્યું હતું. ભારતે મલેશિયાને 10-4 થી હરાવીને ફાઇનલમાં જગ્યા બનાવી હતી.

English summary

India became the champion after defeating Pakistan in Hockey 5 Asia Cup