IND vs SA : ભારત-દક્ષિણ આફ્રિકા વચ્ચેનો પહેલો T20 મુકાબલો વરસાદમાં ધોવાયો

ભારત અને દક્ષિણ આફ્રિકા વચ્ચે યોજાઈ રહેલી T20 સિરીઝનો પહેલો મુકાબલો વરસાદમાં ધોવાઈ ગયો છે. પ્રથમ T20 મેચને લઈને દરેક લોકો ઉત્સાહિત હતા પરંતુ વરસાદે પાણી ફેરવી દીધુ.

અહેવાલો અનુસાર, ડરબનમાં લાંબા સમય સુધી ભારે વરસાદ જોવા મળ્યો. અમ્પાયરોએ રાહ જોયા બાદ ફણ કેટલાક ખરાબ સમાચારો મળતા મેચ રદ્દ કરવાનો નિર્ણય લીધો.

વરસાદ પછી અમ્પાયરોએ બે કલાક સુધી રાહ જોઈ પરંતુ કોઈ ફાયદો થયો નહીં અને આખરે મેચ રદ જાહેર કરવામાં આવી. વરસાદના કારણે ટી-20 શ્રેણીની શરૂઆત ખરાબ રહી છે.

મેચમાં ઓવરનો કટ ઓફ સમય રાત્રે 8.10 વાગ્યાનો હતો. આ પછી સમય પસાર થયો. જેમ જેમ સમય પસાર થતો ગયો તેમ તેમ મેચ રદ્દ થવાની શક્યતાઓ વધતી ગઈ. લગભગ 2 કલાક પછી અટકળો શરૂ થઈ હતી કે મેચ રદ થઈ જશે.

હવે 3 T20 મેચોની શ્રેણીમાં વધુ બે મેચ બાકી છે. આ પછી વનડે શ્રેણી રમાશે. જો ટોસ થયો હોત તો મેચ 5 ઓવર રમાઈ શકી હોત, પરંતુ વરસાદ બંધ થયા બાદ ગ્રાઉન્ડ રિપેર કરવામાં સમય લાગશે, આ જોઈને અમ્પાયરોએ મેચ રદ્દ કરવાની જાહેરાત કરી દીધી.

સ્ટેડિયમમાં હાજર દર્શકો ઇચ્છતા હતા કે મેચ શરૂ થાય અને રમતનો આનંદ મળે. ચાહકો અપેક્ષા રાખતા હતા કે ઓવરો ફેંકાયા બાદ મેચ થશે અને ચોગ્ગા અને છગ્ગા સાથે મનોરંજન થશે પરંતુ એવું થયું નહીં.

English summary

IND vs SA : The first T20 match between India and South Africa was washed out by rain