IND vs PAK : ભારતની શાનદાર જીત, પાકિસ્તાનને 7 વિકેટે હરાવ્યુ

By Desk

Updated: Saturday, October 14, 2023, 20:17 [IST]

ભારત અને પાકિસ્તાન વચ્ચે રમાઈ રહેલી હાઈ પ્રોફાઈલ વર્લ્ડકપ મેચમાં ભારતે વધુ એક વખત પાકિસ્તાનને હરાવ્યુ છે. અમદાવાદમાં પાકિસ્તાનની ટીમ માત્ર 191 રન બનાવી શકી હતી.

ભારતે આ મેચમાં શાનદાર પ્રદર્શન કરતા 3 વિકેટે આશાન જીત મેળવી છે. ભારત તરફથી રોહિત શર્માએ શાનદાર 86 રનની ઈનિંગ્સ રમી. આ સિવાય શ્રેયસ ઐયર 53 રનની ઈનિંગ્સ સાથે અણનમ જીત અપાવીને પરત ફર્યો.

પહેલી ઈનિંગ્સમાં બોલિંગ માટે ઉતરેલી ટીમ ઈન્ડિયાના બોલરોએ શાનદાર પ્રદર્શન કર્યુ અને પાકિસ્તાનને 191 રનના મામુલી સ્કોરે પેવેલિયન મોકલી દીધુ. ભારત તરફથી જસપ્રિત બુમરાહ, મોહમ્મદ શિરાઝ, હાર્દિક પંડ્યા, કુલદીપ યાદવ અને રવિન્દ્ર જાડેજાએ બે-બે વિકેટ લીધી.

બીજી તરફ બેટિંગમાં ભારત તરફથી રોહિત શર્મા અને શ્રેયસ ઐયરે અડધી સદી ફટકારતા 86 અને 53 રનની ઈનિંગ્સ રમી. આ સિવાય વિરાટ કોહલી અને શુભમન ગીલે 16-16 બનાવ્યા. આ સિવાય કેએલ રાહુલ 19 રન બનાવીને જીત સાથે પરત ફર્યો.