IND vs ENG : છેલ્લી ટેસ્ટ પહેલા ટીમ ઈન્ડિયામાં મોટા ફેરફાર, દિગ્ગજની વાપસી સાથે એક ખેલાડી બહાર

By Desk

Published: Thursday, February 29, 2024, 21:20 [IST]

ઈંગ્લેન્ડ સામેની ટેસ્ટ સિરીઝમાં ભારતે અજેય બઢત મેળવી લીધી છે. જો તે તેમ છત્તા પણ ટીમ ઈન્ડિયા વિજય સાથે સિરીઝને પુરી કરવા મેદાનમાં ઉતરશે.

ભારતીય ટીમ ઈંગ્લેન્ડ સામે ધર્મશાલામાં પાંચમી ટેસ્ટ મેચ રમવા જઈ રહી છે. એક ખેલાડી ટીમ ઈન્ડિયામાં પરત ફર્યો છે. રાંચી ટેસ્ટ માટે આરામ આપવામાં આવેલ જસપ્રીત બુમરાહ ટીમમાં પાછો ફર્યો છે. તે અંતિમ ટેસ્ટ મેચમાં મેદાનમાં ઉતરવા માટે તૈયાર છે.

બુમરાહને આરામ આપવાનો નિર્ણય તેના વર્કલોડને નિયંત્રિત કરવા માટે લેવામાં આવ્યો હતો અને તે રાંચીમાં રમ્યો ન હતો.

ટીમ ઈન્ડિયાએ રાંચી ટેસ્ટ જીતીને શ્રેણી પોતાના નામે કરી લીધી હતી. ટીમ ઈન્ડિયા હાલમાં ટેસ્ટ સિરીઝમાં 3-1થી વિજયી લીડ સાથે આગળ છે.

ક્વાડ્રિસેપ્સની ઈજાથી બહાર રહેલો કેએલ રાહુલ ધર્મશાલા ટેસ્ટ મેચ માટે ફિટ નથી. હૈદરાબાદ ટેસ્ટ મેચ બાદથી રાહુલ બહાર છે. છેલ્લી ત્રણ મેચમાં રમી ન શકનાર કેએલ રાહુલ હવે છેલ્લી ટેસ્ટ મેચમાંથી પણ બહાર થઈ ગયો છે. મતલબ કે ટીમ ઈન્ડિયા યુવા ખેલાડીઓ સાથે ફરી મેદાનમાં ઉતરશે.

આ દરમિયાન વોશિંગ્ટન સુંદરને તામિલનાડુની રણજી ટ્રોફીની સેમિફાઇનલ મેચમાં મુંબઈ સામે 2 માર્ચથી રમવા માટે ટીમમાંથી મુક્ત કરવામાં આવ્યો છે. જો જરૂર પડશે તો સુંદર ઘરેલું મેચો પૂરી થયા બાદ ધર્મશાલામાં ટેસ્ટ ટીમ સાથે જોડાશે.

પાંચમી ટેસ્ટ માટે ભારતીય ટીમ
રોહિત શર્મા (કેપ્ટન), જસપ્રિત બુમરાહ (વાઈસ-કેપ્ટન), યશસ્વી જયસ્વાલ, શુભમન ગિલ, રજત પાટીદાર, સરફરાઝ ખાન, ધ્રુવ જુરેલ (વિકેટકીપર), કેએસ ભરત (વિકેટકીપર), દેવદત્ત પડિકલ, આર અશ્વિન, રવીન્દ્ર જાડેજા, અક્ષર પટેલ, કુલદીપ યાદવ, મોહમ્મદ સિરાજ, મુકેશ કુમાર, આકાશ દીપ

Published On February 29, 2024