IND VS AUS : ઓસ્ટ્રેલિયાની સતત બીજી હાર, ભારતને મોટી જીત સાથે અજેય બઢત

By Desk

Updated: Sunday, September 24, 2023, 22:21 [IST]

ભારત આવેલી ઓસ્ટ્રેલિયન ટીમ ભારતીય ટીમ સામે ફિક્કી સાબિત થઈ રહી છે. પહેલા બોલિંગમાં અને પછી બેટિંગમાં નબળા પ્રદર્શનને કારણે ભારતે 2-0થી સિરિઝ પર કબ્જો કરી લીધો છે.

ઈન્દોરમાં રમાયેલી વન ડે સિરિઝના બીજા મુકાબલામાં ભારતે શાનદાર બેટિંગ કરતા અધધ 399 રનનો ટાર્ગેટ આપ્યો હતો. ઓસ્ટ્રેલિયન બોલરોને ફટકારતા ભારત તરફથી શુભમન ગીલ અને શ્રેયસ અય્યરે સદી ફટકારી.

આ પછી ભારત માટે કે એલ રાહુલ અને સુર્યકુમાર યાદવે શાનદાર બેટિંગ કરતા પોતાની અડધી સદી પુરી કરી. આમ ભારત 5 વિકેટે 399 રન સુધી પહોંચવામાં સફળ રહ્યું.

બીજી તરફ ઓસ્ટ્રેલિયન ટીમની શરૂઆત નબળી રહી અને 2 રનના સ્કોર પર જ એક પછી એક બે વિકેટ પડી ગઈ. જો કે આ પછી ડેવિડ વોર્નર અને લાબુશેને ટીમને સંભાળવાનો પ્રયાસ કર્યો પરંતુ સફળતા ન નળી. આ બન્ને 53 અને 27 રનના અંગત સ્કોર પર આઉટ થઈ ગયા.

આ પછી ઓસ્ટ્રેલિયન ટીમ પત્તાની જેમ વીખરાઈ ગઈ. જો કે 9 મીં વિકેટે શોન એબોટે શાનદાર અડધી સદી ફટકારી. જો કે તે પુરતી પુરવાર ન થઈ અને ટીમ 217 રનમાં ઓલઆઉટ થઈ ગઈ.

અહીં ભારત તરફથી સ્પીનરોએ શાનદાર બેટિંગ કરી. ભારત તરફથી સૌથી વધુ અશ્વિન અને જાડેજાએ 3-3 વિકેટ લીધી. આ પછી પ્રસિદ્ધ કૃષ્ણાને 2 અને મહોમ્મદ શામીને એક વિકેટ મળી. આમ ભારતે 99 રને શાનદાર જીત સાથે ટ્રોફી પર પણ કબ્જો કરી લીધો.