હૈદરાબાદ ટેસ્ટ: મુરલી-પુજારાની સદી, બીજી ટેસ્ટ પણ ભારતના હાથમાં

Published: Sunday, March 3, 2013, 17:34 [IST]

હૈદરાબાદ, 3 માર્ચ: ઉપ્પલ સ્થિત રાજીવ ગાંધી આંતરરાષ્ટ્રીય ક્રિકેટ સ્ટેડિયમમાં જારી ટેસ્ટ મેચના બીજા દિવસે રવિવારે મુરલી વિજય અને ચેતેશ્વર પુજારાએ શાનદાર બેટિંગનું પ્રદર્શન કરી પોતપોતાની સદી નોંધાવી.

પુજારાની આ ચોથી અને મુરલીની બીજી આંતરરાષ્ટ્રીય ટેસ્ટ સદી છે. પુજારા 112 અને મુરલી 109 રન બનાવીને હજી અણનમ છે. જ્યારે ભારતીય ટીમે ઓસ્ટ્રેલિયાના પહેલા દાવના 237 રનોને ચેઝ કરી લઇને 74 રનોની બઢત બનાવી લીધી છે, અને હજી ભારતની નવ વિકેટ બાકી છે.

પુજારાએ 188 બોલમાં 14 ચોકાની મદદથી પોતાની સદી પૂરી કરી લીધી જ્યારે મુરલી વિજયે 13 ચોગ્ગા અને બે છગ્ગાની મદદથી સદી ફટકારી દીધી તેણે કૂલ 245 બોલોનો સામનો કર્યો.

આ પહેલા ગઇકાલે અણનમ રહેલા બેટસમેન વીરેન્દ્ર સહેવાગે (4) અને શૂન્ય પર મુરલી વિજયે રવિવારે દિવસની શરૂઆત કરી. ભારતીય ટીમની પ્રથમ વિકેટ સહેવાગના રૂપે પડી. વીરુ આજે માત્ર બે (કુલ 6) રન બનાવીને પેવેલીયન ભેગો થઇ ગયો.

Published On March 3, 2013