T20 World Cup 2026 Schedule : T20 વર્લ્ડ કપનું શેડ્યૂલ જાહેર

ભારત અને શ્રીલંકા દ્વારા આવતા વર્ષે સંયુક્ત રીતે આયોજિત થનારા T20 વર્લ્ડ કપ 2026નું સંપૂર્ણ શેડ્યૂલ જાહેર કરવામાં આવ્યું છે. આ ટૂર્નામેન્ટ ફેબ્રુઆરીમાં શરૂ થશે અને માર્ચ સુધી ચાલશે. નોંધનીય છે કે ભારતીય ટીમે 2024માં આ ઇવેન્ટ જીતી હતી, જેથી તેઓ ડિફેન્ડિંગ ચેમ્પિયન તરીકે મેદાનમાં ઉતરશે.

આ વર્લ્ડ કપની સૌથી વધુ રાહ જોવાતી મેચ ભારત અને પાકિસ્તાન વચ્ચેની છે. આ હાઈ-વોલ્ટેજ મુકાબલો ભારતમાં નહીં પરંતુ શ્રીલંકામાં યોજાશે. આ વખતે કુલ 20 ટીમો ભાગ લેશે, જે ઇતિહાસમાં બીજી વખત હશે જ્યારે આટલી મોટી સંખ્યામાં ટીમો T20 વર્લ્ડ કપમાં સ્પર્ધા કરશે.

ટૂર્નામેન્ટનો પ્રારંભ 7 ફેબ્રુઆરીથી થશે અને તે 8 માર્ચ સુધી ચાલશે. મુંબઈમાં યોજાયેલા એક ખાસ કાર્યક્રમમાં આ વર્લ્ડ કપના શેડ્યૂલની સત્તાવાર જાહેરાત કરવામાં આવી હતી. આ પ્રસંગે રોહિત શર્મા, સૂર્યકુમાર યાદવ અને હરમનપ્રીત કૌર સહિતના જાણીતા ક્રિકેટરો હાજર રહ્યા હતા.

આ વખતે ઇટાલીની ટીમ પ્રથમ વખત વર્લ્ડ કપમાં ભાગ લેશે. કુલ 20 ટીમોને પાંચ-પાંચના ચાર ગ્રુપમાં વહેંચવામાં આવી છે. ભારતને પાકિસ્તાન, નામિબિયા, નેધરલેન્ડ્સ અને યુનાઇટેડ સ્ટેટ્સ સાથે એક જ ગ્રુપમાં સ્થાન મળ્યું છે.

મેચો કુલ 8 સ્થળોએ રમાશે. ભારતમાં દિલ્હી, ચેન્નાઈ, મુંબઈ, અમદાવાદ અને કોલકાતાનો સમાવેશ થાય છે. શ્રીલંકામાં કોલંબોના આર પ્રેમદાસા અને સિંહલીઝ સ્પોર્ટ્સ ક્લબ ઉપરાંત કેન્ડી ત્રીજું યજમાન સ્થળ બનશે. ભારતીય કેપ્ટન રોહિત શર્માને આ ઇવેન્ટ માટે બ્રાન્ડ એમ્બેસેડર બનાવવામાં આવ્યા છે.

English summary

India and Sri Lanka have announced the T20 World Cup 2026 schedule, set to take place from February 7 to March 8. India, as the defending champion, will compete alongside 19 teams, including Pakistan, in this historic tournament.