T20 World Cup 2024 : 17 વર્ષના દુષ્કાળનો અંત, ભારતના ખાતામાં વધુ એક વર્લ્ડ કપ

ભારતીય ટીમે આખરે 2007 બાદથી પડેલો T20 વર્લ્ડ કપનો દુષ્કાળ ખતમ કર્યો છે. શાનદાર બેટિંગ અને ત્યારબાદ બોલિંગ સાથે ભારતે વર્લ્ડ કપ પર કબ્જો કરી લીધો છે.

ભારતે વર્લ્ડકપની ફાઈનલમાં દક્ષિણ આફ્રિકાને હરાવીને ટ્રોફી પર કબ્જો કરી લીધો છે. ભારતે એક સમયે હારી ગયેલા મુકાબલામાં શાનદાર રીતે વાપસી કરી અને ટ્રોફી પર કબ્જો કરી લીધો છે.

બાર્બાડોસમાં રમાયેલા દિલધડક મુકાબલામાં ભારતે દક્ષિણ આફ્રિકાને 7 રને હરાવ્યુ છે. આ મેચમાં ભારત તરફથી બેટિંગમાં વિરાટ કોહલી-અક્ષર પટેલ અને બોલિંગમાં જસપ્રીત બુમરાહ, હાર્દિક પંડ્યા અને અર્શદિપ સિંહે રંગ રાખ્યો.

પહેલા બેટિંગ કરતા વિરાટ કોહલી અને અક્ષર પટેલે ટીમને મુશ્કેલીમાંથી ઉગારીને મોટા સ્કોર સુધી પહોંચાડવામાં મોટી ભુમિકા ભજવી. બીજી તરફ બોલિંગમાં જસપ્રીત બુમરાહે હારેલી બાજીમાં ભારતને પાછા લાવવામાં મોટી ભુમિકા ભજવી.

ભારત માટે વિરાટ કોહલીએ શાનદાર 59 બોલમાં 76 અને અક્ષર પટેલે 31 બોલમાં 47 રનની શાનદાર ઈનિંગ રમી. આ સિવાય શિવમ દુબેએ 16 બોલમાં નાની પણ મહત્વની 27 રનની ઈનિંગ રમી.

બીજી તરફ બોલિંગમાં ભારત માટે બુમરાહે રંગ રાખ્યો. શાનદાર બોલિંગ કરતા 4 ઓવરમાં માત્ર 18 રન આપ્યા અને 2 મહત્વની વિકેટ લીધી. બીજી તરફ હાર્દિક પંડ્યાએ પણ શાનદાર અંદાજમાં સાથ આપ્યો અને 3 ઓવરમાં 20 રન આપી 3 વિકેટ લીધી. અહીં અર્શદિપ સિંહે પણ બરાબરનું યોગદાન આપ્યુ અને 4 ઓવરમાં 20 રન આપીને 2 વિકેટ લીધી.

English summary

T20 World Cup 2024: End of 17-year drought, one more World Cup for India