જય શાહને ICCના ચેરમેન તરીકે મળશે આટલી સેલેરી, અહીં BCCIથી ઓછા મળશે પૈસા?

Jay Shah Salary: જય શાહે ICCના સૌથી યુવા અધ્યક્ષ બનીને ઈતિહાસ રચ્યો. માત્ર 35 વર્ષની વયે આ મોટું પદ હાંસલ કરીને બધાને ચોંકાવી દેવાની સાથે તેમણે વિશ્વ ક્રિકેટમાં પણ પોતાનો દબદબો બતાવ્યો. જય શાહનો કાર્યકાળ ડિસેમ્બરમાં શરૂ થશે.

સતત બે ટર્મ સુધી BCCI સેક્રેટરી તરીકે સેવા આપ્યા બાદ જય શાહ હવે ICCમાં જોડાવા તૈયાર છે. જય શાહ સામે અન્ય કોઈ ઉમેદવાર ચૂંટણી લડ્યા ન હતા અને તેઓ બિનહરીફ ચેરમેન તરીકે ચૂંટાયા હતા. હવે તેમણે અધ્યક્ષ બનવા માટે BCCI સેક્રેટરીનું પદ છોડવું પડશે.

અહીં એક મોટો પ્રશ્ન પગાર અંગે આવે છે. આઈસીસીના અધ્યક્ષ તરીકે જય શાહને શું મહેનતાણું મળશે તે એક મોટો પ્રશ્ન છે. બીસીસીઆઈમાં મળેલી રકમ સાથે પણ સરખામણી કરી શકાય છે. BCCIમાં સેક્રેટરી એક 'માનદ' પદ છે અને જય શાહને તેના માટે કોઈ પગાર મળતો નથી.

જોકે જય શાહને તેમના કામ માટે ભથ્થું મળે છે. દરરોજ તેમને ભથ્થા તરીકે 80 હજાર રૂપિયાથી વધુ મળે છે. આમાં મીટિંગ, પ્રવાસ વગેરેનો સમાવેશ થાય છે. તેમને તેની રાઉન્ડ ટ્રીપ માટે બિઝનેસ ક્લાસની ફ્લાઈટ ટિકિટ મળે છે અને તેમના રોકાણ માટે BCCI દ્વારા ફાઈવ સ્ટાર હોટલ આપવામાં આવે છે. આ બધા સિવાય તેમને પગાર તરીકે કંઈ મળતું નથી.

બીસીસીઆઈ માત્ર ટોચના અધિકારીઓને જ ખર્ચ આપે છે, કોઈ પગાર નથી અને આઈસીસી પણ આવું જ કામ કરે છે. ICC તેમના અધ્યક્ષ માટે કોઈ પગાર નક્કી કરતું નથી. કામ માટેના ખર્ચ અને ભથ્થા બીસીસીઆઈની જેમ જ છે. ICC દ્વારા તેના અધ્યક્ષ અથવા સમાન હોદ્દા પરના અન્ય લોકોને કેટલો પગાર આપવામાં આવે છે. તેનો ખુલાસો કરવામાં આવ્યો નથી. જય શાહને ICC તરફથી પગાર તરીકે કોઈ રકમ મળવાની નથી.

English summary

Jay Shah will get this much salary as ICC chairman, Check here.