IPL 2026: કઈ ટીમનું નેતૃત્વ કોણ કરશે? ઈશાન કિશનથી લઈને ઋતુરાજ સુધીના તમામ કેપ્ટનોની યાદી, જાણો

By Desk

Published: Sunday, March 22, 2026, 16:13 [IST]

IPL 2026 Captains List: ઇન્ડિયન પ્રીમિયર લીગ 28 માર્ચથી શરૂ થવા જઈ રહી છે. આ વર્ષની IPL ઘણી રીતે ઐતિહાસિક બનવાની છે કારણ કે લીગની લગભગ દરેક ટીમે પોતાની વ્યૂહરચના અને નેતૃત્વમાં મોટા ફેરફારો કર્યા છે. ઇજાગ્રસ્ત ખેલાડીઓની લાંબી યાદી અને કેપ્ટનોની અદલાબદલીએ આ વખતના સમીકરણો સંપૂર્ણપણે બદલી નાખ્યા છે, જેના કારણે ચાહકોમાં ઉત્સાહ બમણો થઈ ગયો છે.

સૌથી મોટા સમાચાર સનરાઇઝર્સ હૈદરાબાદના કેમ્પમાંથી છે, જ્યાં ઓસ્ટ્રેલિયન દિગ્ગજ પેટ કમિન્સ પીઠની ઇજાને કારણે કેટલીક મેચોમાંથી બહાર થઈ ગયા છે. તેમની ગેરહાજરીમાં ટીમ મેનેજમેન્ટે વિસ્ફોટક બેટ્સમેન ઇશાન કિશન પર ભરોસો મૂક્યો છે, જે પ્રથમ વખત IPLમાં કેપ્ટન તરીકે ડેબ્યૂ કરશે.

ઇશાનને તાજેતરમાં સ્થાનિક ક્રિકેટમાં ઝારખંડને ખિતાબ જીતાડવાનું ઇનામ મળ્યું છે અને મેદાન પર તેને ટીમ ઇન્ડિયાના ઉભરતા સ્ટાર અભિષેક શર્મા સાથ આપશે, જે વાઇસ કેપ્ટનની ભૂમિકા ભજવશે. બીજી તરફ રાજસ્થાન રોયલ્સમાં નવા યુગની શરૂઆત થઈ રહી છે. લાંબા સમય સુધી ટીમની કમાન સંભાળનાર સંજુ સેમસનની વિદાય બાદ હવે રિયાન પરાગને પૂર્ણકાલીન કેપ્ટન તરીકે નિયુક્ત કરવામાં આવ્યા છે. પરાગ વર્ષ 2019થી આ ફ્રેન્ચાઇઝીનો ભાગ છે અને હવે તેના પર ટીમને ચેમ્પિયન બનાવવાની મોટી જવાબદારી રહેશે.

તેવી જ રીતે, લખનૌ સુપર જાયન્ટ્સે ગયા સીઝનમાં ઋષભ પંતને 27 કરોડ રૂપિયાની રેકોર્ડ કિંમતે ટીમનો નવો સેનાપતિ બનાવ્યો હતો, જે આ વખતે પણ ટીમનું નેતૃત્વ કરશે. પંત માટે ગત સીઝન પડકારજનક રહી હતી, પરંતુ આ વખતે તે નવી જર્સીમાં પોતાનું નસીબ બદલવા મેદાને ઉતરશે.

RCB ડિફેન્ડિંગ ચેમ્પિયન

ડિફેન્ડિંગ ચેમ્પિયન રોયલ ચેલેન્જર્સ બેંગલુરુની કમાન ફરી એકવાર રજત પાટીદારના હાથમાં હશે, જેણે ગયા વર્ષે ટીમને તેનો પ્રથમ ખિતાબ અપાવીને ઇતિહાસ રચ્યો હતો. વિરાટ કોહલીની હાજરીમાં પાટીદાર માટે સૌથી મોટો પડકાર પોતાના ખિતાબને જાળવી રાખવાનો રહેશે. ચેન્નાઈ સુપર કિંગ્સમાં પણ સારા સમાચાર છે કારણ કે સ્ટાર ઓપનર ઋતુરાજ ગાયકવાડ કોણીની ઇજામાંથી સાજો થઈને પરત ફર્યો છે અને તે ફરી એકવાર 'યલો આર્મી'નું નેતૃત્વ કરતો જોવા મળશે.

IPL 2026 ના કેપ્ટનોની લિસ્ટ