IPL 2023: કોણ છે સુયશ શર્મા? કોચનુ કોરોનાના કારણે મોત, પિતાને કેન્સર થયુ પણ હાર ના માની
કોલકાતા નાઈટ રાઈડર્સની ટીમ હંમેશા શ્રેષ્ઠ સ્પિનરોને પોતાની સાથે જોડવા માટે કામ કરી રહી છે. સુનીલ નારાયણ અને વરુણ ચક્રવર્તી છેલ્લા ઘણા સમયથી ટીમ માટે મેચ વિનિંગ પ્રદર્શન આપી રહ્યા છે. હવે આ યાદીમાં એક નવું નામ ઉમેરાયું છે.
આ સિઝનમાં કોલકાતા નાઈટ રાઈડર્સને વધુ એક મિસ્ટ્રી સ્પિનરનો સપોર્ટ મળ્યો છે. 19 વર્ષીય સુયશ શર્માએ તેની પ્રથમ મેચમાં જ તેના શાનદાર પ્રદર્શનથી સૌનું ધ્યાન ખેંચ્યું હતું. પૂર્વ દિલ્હીના ભજનપુરા વિસ્તારના રહેવાસી સુયશ શર્માએ આરસીબી સામે ચાર ઓવરના સ્પેલમાં 30 રન આપીને ત્રણ વિકેટ લીધી હતી.
રાતોરાત KKR તરફથી રમતા IPLના નવા સ્ટાર બની ગયેલા સુયશ શર્મા માટે અહીં સુધીની સફર બિલકુલ સરળ નહોતી. ઇમ્પેક્ટ પ્લેયર તરીકે આવતા, સુયશ શર્માએ આરસીબી સામે આઇપીએલની શરૂઆત કરી હતી. દિલ્હીના કોચ રણધીર સિંહે ન્યૂઝ એજન્સી પીટીઆઈને સુયશ શર્મા વિશે કેટલીક વાતો જણાવી હતી.
રણધીર સિંહે પોતાના નિવેદનમાં કહ્યું કે સુયશ માટે અહીં સુધીની સફર આસાન રહી નથી. તે લાંબા સમયથી દિલ્હીના પૂર્વ સ્પિનર સુરેશ બત્રા પાસેથી કોચિંગ લઈ રહ્યો હતો. સુરેશ બત્રાનું મોત કોરોના વાયરસના કારણે થયું હતું. તે પછી તે મારી પાસે આવ્યો કારણ કે તેને મેચ પ્રેક્ટિસ જોઈતી હતી. મેં તેને DDCA લીગમાં મદ્રાસ ક્લબમાં રમવાની તક આપી. યુઝવેન્દ્ર ચહલ અને વીરેન્દ્ર સેહવાગ જેવા ખેલાડીઓ પણ આ ક્લબમાંથી રમી ચૂક્યા છે.
KKR પહેલા સુયશે મુંબઈ ઈન્ડિયન્સ માટે ટ્રાયલ આપ્યો હતો. રણધીર સિંહે જણાવ્યું કે સુયશના પિતાને કેન્સર હતું. પરંતુ દિલ્હીના ભૂતપૂર્વ સ્પિનર અને મુંબઈ ઈન્ડિયન્સના વર્તમાન મેનેજર રાહુલ સંઘવીએ તેમના પિતાની સારવારમાં મદદ કરી હતી. તે જીવનભર તેમનો આભારી રહેશે. મેં તેને કહ્યું કે જો કોઈ મદદની જરૂર હોય તો અમે એઈમ્સમાં જઈ શકીએ છીએ પરંતુ રાહુલના કારણે તેના પિતાની મુંબઈમાં સફળ સારવાર થઈ.
Click it and Unblock the Notifications
Sign in with Google
