IPL 2023 SRH vs MI: કેમરોન ગ્રીનનો ચાલ્યો બલ્લો, હૈદરાબાદને 193 રનનુ લક્ષ્ય

Updated: Tuesday, April 18, 2023, 21:21 [IST]

IPLમાં આજે રસપ્રદ મેચ સનરાઈઝર્સ હૈદરાબાદ અને મુંબઈ ઈન્ડિયન્સ વચ્ચે રમાવા જઇ રહી છે. બંને ટીમો વચ્ચેની આ મેચ હૈદરાબાદના રાજીવ ગાંધી ઈન્ટરનેશનલ સ્ટેડિયમમાં રમાશે. એડન માર્કરમે ટોસ જીતીને પ્રથમ બોલિંગ કરવાનો નિર્ણય લીધો હતો. મુંબઇ ઇન્ડિયન્સે પ્રથમ બેટીંગ કરતા 20 ઓવરમાં 5 વિકેટ ગુમાવી 192 રન બનાવ્યા હતા.

આ ઇનિંગમાં MIએ રોહિત (28) અને ઇશાન (38)ની ઉપયોગી ઇનિંગ્સ સિવાય કેમેરોન ગ્રીન(64), તિલક વર્મા (37)ની તોફાની ઇનિંગ્સના આધારે 20 ઓવરમાં 5 વિકેટે 192 રન બનાવ્યા હતા.

મુંબઈ ઈન્ડિયન્સ માટે ઓપનિંગ કરવા આવેલા રોહિત શર્મા અને ઈશાન કિશનની જોડીએ ફરી એકવાર આક્રમક શરૂઆત કરી હતી જ્યાં કેપ્ટન રોહિત શર્માએ અતિ આક્રમક અભિગમ દાખવવાની પ્રક્રિયામાં ફરીથી પોતાની વિકેટ ગુમાવી દીધી હતી. રોહિતે 18 બોલમાં 28 રનની ઇનિંગ રમી અને 6 ચોગ્ગા ફટકાર્યા. આ દરમિયાન તે IPLમાં 6000 રન પૂરા કરનાર ચોથો બેટ્સમેન પણ બન્યો હતો.

રોહિતને આ રેકોર્ડ બનાવવા માટે આજે માત્ર 14 રનની જરૂર હતી. હવે તે વિરાટ કોહલી, શિખર ધવન અને ડેવિડ વોર્નરની ક્લબમાં સામેલ થઈ ગયો છે. રોહિતની ઈનિંગ બાદ ત્રીજા નંબરે આવેલા કેમેરોન ગ્રીને ઈશાન કિશન સાથે ઈનિંગની આગેવાની કરી હતી.

આ દરમિયાન બંને બેટ્સમેનોને બોલિંગનો સામનો કરવામાં થોડી મુશ્કેલી પડી હતી. આ દરમિયાન ઈશાન કિશને તેની 4000 ટી20 પૂરી કરી લીધી હતી અને હવે તેને સારી ઇનિંગ રમવાની જરૂર હતી પરંતુ તે 21 બોલમાં 38 રન બનાવીને આઉટ થયો હતો. કેપ્ટન માર્કરમે જેન્સનના બોલ પર પોતાનો શ્રેષ્ઠ કેચ લીધો હતો.

આ પછી સૂર્યકુમાર યાદવે આવતાની સાથે જ જોરદાર સિક્સર ફટકારીને આશા જગાવી હતી, પરંતુ તે 7 રનના સ્કોર પર જેન્સનને ચિપ કરવાના પ્રયાસમાં માર્કરમના હાથે કેચ આઉટ થયો હતો.

ગ્રીને નટરાજને ફેંકેલી 18મી ઓવરમાં 20 રન બનાવ્યા. ગ્રીન 40 બોલમાં 64 રન બનાવીને અણનમ પરત ફર્યો હતો. ટિમ ડેવિડે 11 બોલમાં 16 રન બનાવ્યા હતા.

સ્પિનરોને ન મળી વિકેટ - બોલિંગમાં માર્કો જેન્સને 4 ઓવરમાં 43 રન આપીને 2 વિકેટ ઝડપી હતી. ભુવનેશ્વરે પણ 4 ઓવરમાં 31 રન આપીને 1 વિકેટ લીધી હતી. પરંતુ નટરાજન મોંઘો સાબિત થયો જેણે 4 ઓવરમાં 50 રન આપ્યા. સ્પિનરોએ ચુસ્ત બોલિંગ કરી હતી. સુંદરે માત્ર 33 અને માર્કંડેએ 35 રન આપ્યા પરંતુ સ્પિન બોલરોને વિકેટ મળી ન હતી.