RR vs CSK: ધોની અને સંજુ સેમસનના ધુરંધરો આજે ટકરાશે, જયપુર સ્ટેડિયમનો પિચ અને વેધર રિપોર્ટ

RR vs CSK: ચેન્નાઈ સુપર કિંગ્સે આ સિઝનમાં 5 ટીમોને હરાવી છે. 10 પોઈન્ટ સાથે સીએસકેની ટીમ પોઈન્ટ ટેબલમાં ઉપર છે. રાજસ્થાન રૉયલ્સ ચેન્નાઈ સુપર કિંગ્સને મેદાન પર પછાડે છે કે નહિ તે જોવાનુ રહેશે. જો કે, આ કાર્ય એટલુ સરળ નથી.

સંજુ સેમસનની રાજસ્થાન રૉયલ્સે આ સિઝનમાં અત્યાર સુધી 4 મેચ જીતી છે અને પોઈન્ટ ટેબલમાં ત્રીજુ સ્થાન મેળવ્યુ છે. ચેન્નાઈની ટીમ આ મામલે ટેબલમાં ટોપ પર છે. ધોનીના નેતૃત્વમાં ગત સિઝનને ભૂલીને આ ટીમે આ વખતે પણ દરેક ટીમને હરાવવાનો પ્રયાસ કરીને સફળતા હાંસલ કરી છે.

જયપુરના સવાઈ માનસિંહ સ્ટેડિયમમાં પ્રશંસકોની ઈચ્છા રાજસ્થાન રૉયલ્સની જીત જોવાની છે. જો કે, તે મેચમાં પ્રદર્શન પર પણ નિર્ભર રહેશે કે કઈ ટીમની રમત પ્રભુત્વ ધરાવે છે. બંને ટીમોમાં શ્રેષ્ઠ રમતનું પ્રદર્શન કરનારી ટીમને જ આ મેચ જીતવાની તક મળશે.

RR vs CSK પિચ રિપોર્ટ

સવાઈ માનસિંહ સ્ટેડિયમ, જયપુરની પિચ બોલિંગ માટે મદદરૂપ થશે. બેટ્સમેન મુશ્કેલીમાં મુકાશે. બોલ પિચ પર ચોંટી જાય છે. આ મેચમાં સ્પિનરો મહત્વની ભૂમિકા ભજવી શકે છે. 160થી વધુ સ્કોર કર્યા બાદ પણ ચેઝિંગ ટીમને મુશ્કેલીનો સામનો કરવો પડી શકે છે.

RR vs CSK હવામાન રિપોર્ટ

સંજુ સેમસન એન્ડ કંપની માટે ખુશીની વાત છે કે હવામાન સ્વચ્છ રહેશે. વરસાદની કોઈ આગાહી નથી. આવી સ્થિતિમાં આ રાહતની વાત કહી શકાય. સાંજે તાપમાનમાં ઘટાડો થવાને કારણે ગરમીનો અહેસાસ થશે નહીં. હળવા ઝાકળની અસર મેદાનમાં જોવા મળી શકે છે. બંને ટીમો વચ્ચે જોરદાર મેચ જોવા મળશે.

Calls > Text because you never know, Sanju Samson might just pick up 😂😂 pic.twitter.com/fJwGMbvmt2

— Rajasthan Royals (@rajasthanroyals) April 26, 2023

English summary

IPL 2023 RR vs CSK: Jaipur SMS Stadium pitch and weather report.