IPL 2023 LSG vs CSK: લખનૌ-ચેન્નાઇ વચ્ચેની મેચમાં બની શકે છે આ મોટા રેકોર્ડ

Published: Monday, April 3, 2023, 16:51 [IST]

પોતાની પ્રથમ મેચ હાર્યા બાદ ચેન્નાઈ સુપર કિંગ્સ સોમવારે એટલે કે આજે લખનૌ સુપર જાયન્ટ્સ સામે જીતવાના લક્ષ્ય સાથે મેદાનમાં ઉતરશે. 31 માર્ચે લીગની શરૂઆતની મેચમાં ડિફેન્ડિંગ ચેમ્પિયન ગુજરાત ટાઇટન્સ (જીટી) સામે હાર્યા બાદ એમએસ ધોનીની ચેન્નાઈ સુપર કિંગ્સ હવે નવી વ્યૂહરચના સાથે એલએસજીનો સામનો કરશે.

MA ચિદમ્બરમ સ્ટેડિયમમાં આજે બની શકે છે આ મોટા રેકોર્ડ

CSK આજે, 3 એપ્રિલ, ચેન્નાઈના MA ચિદમ્બરમ સ્ટેડિયમ ખાતે KL રાહુલની લખનૌ સુપર જાયન્ટ્સ (LSG) સાથે ટકરાશે. CSK આજની મેચમાં મજબૂત સાબિત થઈ શકે છે કારણ કે ચેપોકમાં ટીમે 56માંથી 40 મેચ જીતી છે. ધોનીની ટીમ 2013 થી તેમની છેલ્લી 21 મેચોમાં માત્ર બે વખત જ મુંબઈ ઈન્ડિયન્સ સામે હારી છે.

જો કે, તેઓ હજુ સુધી સુપર જાયન્ટ્સને હરાવી શક્યા નથી. આજની મેચ એમએસ ધોની માટે તકો અને બંને ટીમો માટે ઘણા રેકોર્ડ લઈને આવી છે.

8 રન બનાવતા જ ધોની બનાવશે આ રેકોર્ડ

ચેન્નાઈ સુપર કિંગ્સના કેપ્ટન ધોનીએ અત્યાર સુધી આઈપીએલની 235 મેચોની 207 ઈનિંગમાં કુલ 4992 રન બનાવ્યા છે, જો 'માહી' આ મેચમાં આઠ રન બનાવશે તો તે આઈપીએલ ઈતિહાસમાં 5000 રન બનાવનાર સાતમો બેટ્સમેન બની જશે, જ્યારે સી.એસ.કે. આઈપીએલમાં 5000 રન બનાવનાર બીજી ખેલાડી હશે.

IPLમાં 5000 રનનો આંકડો પાર કરનારાઓમાં - વિરાટ કોહલી (6706), શિખર ધવન (6284), ડેવિડ વોર્નર (5937), રોહિત શર્મા (5880), સુરેશ રૈના (5228) અને એબી ડી વિલિયર્સ (5162)નો સમાવેશ થાય છે.

કેએલ રાહુલ 4 હજાર રન કરી શકે છે પુરા

અન્ય સ્ટાર ક્રિકેટર જે રેકોર્ડ તોડવાની આરે છે તે બીજું કોઈ નહીં પણ એલએસજીના કેપ્ટન કેએલ રાહુલ છે જેને તેના 4000 રન પૂરા કરવા માટે માત્ર 103 રનની જરૂર છે. હાલમાં IPLમાં KLના 3897 રન છે. બીજી તરફ જો રવિન્દ્ર જાડેજા આ મેચમાં 5 વિકેટ લે છે તો T20 ક્રિકેટમાં તેની 200 વિકેટ પૂરી થઈ જશે.

લખનૌ સુપર જાયન્ટ્સની સંભવિત પ્લેઇંગ 11: કેએલ રાહુલ (કેપ્ટન), કાયલ મેયર્સ, દીપક હુડા, માર્કસ સ્ટોઈનીસ, નિકોલસ પૂરન (ડબલ્યુકે), કૃણાલ પંડ્યા, આયુષ બદોની, માર્ક વુડ, રવિ બિશ્નોઈ, અવેશ ખાન અને જયદેવ ઉનડકટ.

ચેન્નાઈ સુપર કિંગ્સની સંભવિત પ્લેઇંગ 11: મહેન્દ્ર સિંહ ધોની (કેપ્ટન), રૂતુરાજ ગાયકવાડ, ડેવોન કોનવે, મોઈન અલી, અંબાતી રાયડુ, શિવમ દુબે, બેન સ્ટોક્સ, રવિન્દ્ર જાડેજા, દીપક ચહર, મિશેલ સેન્ટનર અને રાજવર્ધન હંગરગેકર.

Published On April 3, 2023