IPL 2023 CSK vs DC: ચેપોકમાં ચાલ્યો ધોનીનો જાદુ.., ચેન્નાઇએ દિલ્હી કેપિટલ્સને 27 રને હરાવ્યુ

ઈન્ડિયન પ્રીમિયર લીગ (IPL) 2023ની 55મી મેચમાં ચેન્નાઈ સુપર કિંગ્સે દિલ્હી કેપિટલ્સને 27 રનથી હરાવ્યું. એમએસ ચિદમ્બરમ સ્ટેડિયમમાં રમાયેલી મેચમાં ચેન્નાઈ સુપર કિંગ્સે દિલ્હીને 168 રનનો ટાર્ગેટ આપ્યો હતો. જવાબમાં દિલ્હીની ટીમ પૂરી 20 ઓવર રમવા છતાં આઠ વિકેટે 140 રન જ બનાવી શકી હતી.

ચેન્નાઈ સુપર કિંગ્સની 12 મેચોમાં આ સાતમી જીત હતી અને તે પોઈન્ટ ટેબલમાં બીજા નંબર પર યથાવત છે. બીજી તરફ, દિલ્હી કેપિટલ્સ આ સિઝનમાં તેની સાતમી મેચ હારી છે અને તે છેલ્લા સ્થાને છે.

લક્ષ્યનો પીછો કરવા ઉતરેલી દિલ્હી કેપિટલ્સની શરૂઆત ખૂબ જ ખરાબ રહી હતી અને 25 રનના સ્કોર સુધી તેની ત્રણ વિકેટ ગુમાવી દીધી હતી. કેપ્ટન ડેવિડ વોર્નર પોતાનું ખાતું ખોલાવી શક્યો ન હતો અને ઈનિંગના બીજા બોલ પર તે દીપક ચહરના હાથે અજિંક્ય રહાણેના હાથે કેચ આઉટ થયો હતો.

જ્યારે ફિલ સોલ્ટે 17 અને મિચેલ માર્શે 5 રન બનાવ્યા હતા. દીપક ચહરે સોલ્ટને અંબાતી રાયડુના હાથમાં કેચ કરાવ્યો, જ્યારે માર્શ કમનસીબે રનઆઉટ થયો. આ પછી મનીષ પાંડે અને રિલો રોસોએ ચોથી વિકેટ માટે 59 રન જોડીને દાવને સંભાળ્યો હતો. મનિષ પાંડેને એક શાનદાર યોર્કર પર મતિષા પથિરાનાએ LBW આઉટ કર્યો હતો. જ્યારે રવિન્દ્ર જાડેજાએ રોસોને પોતાનો શિકાર બનાવ્યો હતો.

પાંડેએ 29 બોલમાં 27 રન અને રોસોએ 37 બોલમાં 35 રન બનાવ્યા હતા. પાંચ વિકેટ પડી ગયા બાદ દિલ્હીનો દાવ સુધર્યો ન હતો અને તેના માટે લક્ષ્ય સુધી પહોંચવું અશક્ય બની ગયું હતું. CSK તરફથી મતિશા પથિરાનાએ 37 રનમાં ત્રણ વિકેટ લીધી હતી. જ્યારે દીપક ચાહરને બે સફળતા મળી હતી.

English summary

IPL 2023 CSK vs DC: Chennai beat Delhi Capitals by 27 runs