9 જાન્યુઆરીથી WPL 2026 ની ધમાકેદાર શરૂઆત, જાણો તમામ વિગતો

ક્રિકેટ ચાહકોને મહિલા પ્રીમિયર લીગ (WPL 2026) ની ચોથી સીઝન માટેની રાહ હવે સમાપ્ત થઈ રહી છે. નવી મુંબઈની ડીવાય પાટીલ સ્પોર્ટ્સ એકેડમી ખાતે આ ભવ્ય ટુર્નામેન્ટનો પ્રારંભ 9 જાન્યુઆરી 2026 થી થશે.

પ્રથમ મેચમાં ડિફેન્ડિંગ ચેમ્પિયન મુંબઈ ઈન્ડિયન્સ (MI) અને રોયલ ચેલેન્જર્સ બેંગલોર (RCB) ટકરાશે. આ બંને ટીમો અગાઉ ટાઈટલ જીતી ચૂકી છે અને સ્મૃતિ મંધાના તથા હરમનપ્રીત કૌરની ટક્કર જોવાય તેવી છે.

હરમનપ્રીત કૌરની કેપ્ટનશીપ હેઠળની મુંબઈ ઈન્ડિયન્સ પોતાનો દબદબો જાળવવા પ્રયાસ કરશે, જ્યારે સ્મૃતિ મંધાનાની આગેવાની હેઠળની આરસીબી જીત સાથે શરૂઆત કરવા ઉત્સુક છે.

મેચ પહેલા એક ભવ્ય ઓપનિંગ સેરેમની યોજાશે. જેમાં સિંગર યો યો હની સિંહ પરફોર્મ કરશે. બોલિવૂડ અભિનેત્રી જેકલીન ફર્નાન્ડીસનો ડાન્સ મેચના એક કલાક પહેલા ચાહકોને જોવા મળશે.

આ મેચ શુક્રવાર 9 જાન્યુઆરી, 2026 ના રોજ સાંજે 7:30 કલાકે (IST) ડીવાય પાટીલ સ્પોર્ટ્સ એકેડમી, નવી મુંબઈ ખાતે રમાશે. તેનું જીવંત પ્રસારણ JioStar એપ અને Star Sports નેટવર્ક પર ઉપલબ્ધ રહેશે.

આ સીઝનમાં પાંચ ટીમો (MI, RCB, DC, GG, UPW) ભાગ લઈ રહી છે. લીગના પ્રથમ 11 મેચ નવી મુંબઈમાં, જ્યારે બાકીના મુકાબલા અને નોકઆઉટ વડોદરામાં યોજાશે. ટુર્નામેન્ટની ફાઇનલ 5 ફેબ્રુઆરીએ નિર્ધારિત છે.

English summary

The Women’s Premier League 2026 launches with a Mumbai clash between Mumbai Indians and Royal Challengers Bangalore, alongside an opening ceremony. The match will be broadcast live on JioStar and Star Sports, with five teams competing across venues in Mumbai and Vadodara.