IND vs SA: આજે ભારત-દક્ષિણ આફ્રિકા વચ્ચે પાંચમી T20, મેચ ફ્રીમાં LIVE કેવી રીતે જોવી? જાણો અહીં

IND vs SA 5th T20I: ભારત અને દક્ષિણ આફ્રિકા વચ્ચે રમાઈ રહેલી રોમાંચક T20 સિરીઝ હવે તેના નિર્ણાયક વળાંક પર પહોંચી ગઈ છે. આજે એટલે કે શુક્રવાર, 19 ડિસેમ્બરના રોજ અમદાવાદના નરેન્દ્ર મોદી સ્ટેડિયમમાં સિરીઝની પાંચમી અને અંતિમ મેચ રમાશે. ભારતીય ટીમ માટે આ મેચ ઐતિહાસિક છે, કારણ કે આ મેચ જીતીને ટીમ ઇન્ડિયા સતત 8મી T20 સિરીઝ જીતવાનો નવો રેકોર્ડ બનાવી શકે છે.

લખનૌની મેચ રદ થયા બાદ અમદાવાદમાં હાઈ-વોલ્ટેજ ડ્રામા

નોંધનીય છે કે સિરીઝની ચોથી મેચ લખનૌમાં ભારે ધુમ્મસને કારણે એક પણ બોલ ફેંકાયા વગર રદ કરવી પડી હતી. અગાઉ ધર્મશાલામાં ભારતે શાનદાર પ્રદર્શન કરીને લીડ મેળવી લીધી હતી. હવે દક્ષિણ આફ્રિકા પાસે સિરીઝ ડ્રો કરવાની તક છે, જ્યારે સૂર્યકુમાર યાદવની 'યંગ બ્રિગેડ' આ મેચ જીતીને સિરીઝ પર કબ્જો જમાવવા મેદાનમાં ઉતરશે.

પીચ રિપોર્ટ: બેટર્સ કે બોલર્સ કોનું પલડું ભારે?

દુનિયાના સૌથી મોટા ક્રિકેટ સ્ટેડિયમ એટલે કે નરેન્દ્ર મોદી સ્ટેડિયમની પીચ બેટ્સમેન અને બોલરો બંનેને મદદરૂપ થાય તેવી છે. સૂર્યકુમાર યાદવની આક્રમક બેટિંગ અને ભારતીય યુવા બોલરોની શિસ્તબદ્ધ બોલિંગ ભારતની તાકાત છે. બીજી તરફ, સાઉથ આફ્રિકાની ટીમ પણ વળતો પ્રહાર કરવામાં સક્ષમ છે, જેથી આજે રસાકસીભર્યો મુકાબલો જોવા મળી શકે છે.

ક્યારે અને ક્યાં જોશો લાઈવ મેચ?

જો તમે આ મેચનો આનંદ ઘરે બેઠા માણવા માંગો છો, તો તેની વિગતો નીચે મુજબ છે.

• મેચનો સમય: સાંજે 07:00 વાગ્યે શરૂ થશે.
• ટોસનો સમય: સાંજે 06:30 વાગ્યે.
• ટીવી પ્રસારણ: સ્ટાર સ્પોર્ટ્સ નેટવર્ક પર.
• લાઈવ સ્ટ્રીમિંગ (Free): મોબાઈલ યુઝર્સ Jio-Hotstar એપ પર કોઈપણ સબસ્ક્રિપ્શન વગર મફતમાં લાઈવ મેચ જોઈ શકશે.

બંને ટીમોના સ્ક્વોડ પર એક નજર

ભારતીય ટીમ: સૂર્યકુમાર યાદવ (કેપ્ટન), શુભમન ગિલ, અભિષેક શર્મા, તિલક વર્મા, હાર્દિક પંડ્યા, શિવમ દુબે, સંજુ સેમસન, જીતેશ શર્મા (વિકેટકીપર), જસપ્રીત બુમરાહ, કુલદીપ યાદવ, વરુણ ચક્રવર્તી, અર્શદીપ સિંહ, વોશિંગ્ટન સુંદર, શાહબાઝ અહમદ અને હર્ષિત રાણા.

દક્ષિણ આફ્રિકાની ટીમ: એડન માર્કરામ (કેપ્ટન), ક્વિન્ટન ડી કોક (વિકેટકીપર), ટોની ડી જોર્ઝી, ડેવાલ્ડ બ્રુઈસ, ટ્રિસ્ટન સ્ટબ્સ, ડેવિડ મિલર, માર્કો જેન્સેન, કોર્બીન બોશ, કેશવ મહારાજ, એનરિક નોર્ટજે, લુંગી એનગીડી, રીઝા હેન્ડ્રીક્સ, ઓટનીલ બાર્ટમેન, ડોનોવન ફેરેરા, જ્યોર્જ લિંડે, અને ક્વેના મફાકા

English summary

IND vs SA 5th T20 (Dec 19): India leads 2-1 as they face South Africa in the series decider at Ahmedabad. Watch the match live and free on the Jio-Hotstar app from 7 PM.