IND vs ENG : નાગપુર વન ડેમાં ભારતની શાનદાર જીત, ગિલ-અય્યરની શાનદાર બેટિંગ

IND vs ENG : ભારત અને ઈંગ્લેન્ડ વચ્ચે રમાયેલી રહેલી વન ડે સિરીઝના પહેલા મુકાબલામાં ભારતે શાનદાર જીત મેળવી છે. આ મુકાબલામાં ભારતે ઈંગ્લેન્ડને 4 વિકેટે હરાવ્યુ.

પહેલા વન ડેમાં ભારત માટે શુભમન ગીલ અને શ્રેયસ અય્યર સાથે સાથે અક્ષર પટેલે શાનદાર બેટિંગ કરી. ભારતે 11 ઓવર પહેલા જ મુકાબલો જીતી લીધો.

ઈંગ્લેન્ડે ટોસ જીતીને પહેલા બેટિંગ કરવાનો નિર્ણય કર્યો હતો. ઈંગ્લેન્ડે ઈનિંગની શરૂઆતમાં શાનદાર બેટિંગ કરી. જો કે આગળ જતા ટીમ વિખેરાઈ અને પુરા 50 ઓવર પણ ન ટકી અને 248 રનમાં ઓલઆઉટ થઈ ગઈ. ભારત તરફથી શાનદાર બોલિંગ કરતા હર્ષિત રાણા અને રવિન્દ્ર જાડેજાએ ત્રણ-ત્રણ વિકેટ લીધી.

બેટિંગની વાત કરીએ તો જીતમાં સૌથી મોટી ભૂમિકા શુભમન ગિલની રહી. ગીલે 87 રનની ઈનિંગ રમી. આ ઉપરાંત શ્રેયસ અય્યર અને અક્ષર પટેલે પણ અડધી સદી ફટકારી.

શુભમન ગિલ સદી ન ફટકારી શક્યો પરંતુ તેની 87 રનની ઈનિંગે ટીમ ઈન્ડિયાની જીત લગભગ સુનિશ્ચિત કરી દીધી હતી. ઈંગ્લેન્ડ તરફથી સાકિબ મહમૂદ અને આદિલ રશીદ સૌથી સફળ બોલર રહ્યાં. બંનેએ બે-બે વિકેટ લીધી. આ સિવાય જોફ્રા આર્ચર અને જેકબ બેથેલે એક-એક વિકેટ લીધી.

જણાવી દઈએ કે, આ પહેલા ટી20 સિરીઝમાં ભારતે ઈંગ્લેન્ડને 4-1થી હરાવીને સિરીઝ પર કબ્જો કર્યો છે. હવે ટીમ વન ડે સિરીઝમાં જીતના ઈરાદા સાથે ઉતરી છે.

English summary

IND vs ENG: India's brilliant win in Nagpur ODI, brilliant batting from Gill-Iyer